Sumarhótelið er opið frá 18. júní - 31. ágúst ár hvert. Á hótelinu eru rúmlega 200 herbergi. Hótelið er staðsett í um 10 mínútna göngu frá miðbænum eða við hlið Lystigarðsins.

Hótel Harpa er sambyggt við Hótel Kea og er gestamóttaka, veitingasalir og öll þjónusta sameiginleg á þeim. Hótelið var síðast endurnýjað 1999. Herbergin eru björt og snyrtileg með öllum helstu þægindum.

Hótel Kea er eitt af þekktustu kennileitunum á Akureyri, enda staðsett í hjarta bæjarins. Hótel Kea var byggt á lýðveldisárinu 1944 og hefur haldið virðuleika sínum í gegnum árin þrátt fyrir miklar endurbætur á því til að mæta kröfum samtímans.

Á Hótel Norðurlandi eru 34 herbergi öll búin helstu þægindum. Hótelið er á þremur hæðum og er gestamóttaka og morgunverðarsalur á jarðhæð.

Hjá Sæluhúsum á Akureyri er boðið upp á 33 hugguleg vel útbúin herbergi með eldunaraðstöðu.  Hvert herbergi er með sér verönd og flest þeirra með fallegu útsýni yfir Pollinn. Mögulegt er að fá herbergi með heitum potti. Ekki er boðið upp á morgunverð.