Afþreying og útivist

Mikið framboð er af ýmis konar afþreyingu og viðburðum á Akureyri allt árið. Í meðfylgjandi yfirliti má finna þjónustulista og afgreiðslutíma á Akureyri yfir hin ýmsu tímabil ársins.

Húni II er með siglingar frá Akureyri. Í boði eru fastar ferðir yfir sumarið en einnig er hægt að panta sérferðir samkvæmt samkomulagi fyrir hópa. Báturinn tekur allt að 100 manns. Einnig eru í boði adrenalín ferðir á Hjalteyri sem fyrirtækið Sailingsport sér um.

Á Akureyri er að finna fjöldan allan af leiksvæðum, leikvöllum og sparkvöllum. Sundlaug Akureyrar, Andapollurinn fyrir neðan Sundlaug Akureyrar og Lystigarðurinn eru vinsælir viðkomustaðir. Kjarnaskógur, helsta útivistasvæði bæjarins, býður upp á spennandi möguleika, leiktæki, stíga.

Ferðafélag Akureyrar (FFA) var stofnað árið 1936 . Það er sjálfstæð deild í Ferðafélagi Íslands, sem þýðir að félagsmenn njóta allra sömu réttinda og félagar FÍ.

Hægt er að fara í fjórhjólaferðir við Fálkafell ofan Akureyri og í Öxnadalnum við bæinn Engimýri. Á báðum stöðum er hægt að leigja fjórhjól og fara í ýmisskonar ferðir.

Margir góðir staðir eru til fuglaskoðunar á Akureyri og næsta nágrenni bæjarins og er búið að koma fyrir fuglaskoðunarhúsum á fjórum stöðum innan sveitarfélagsins. Þessi svæði eru Naustaborgir, Krossanesborgir, óshólmar Eyjafjarðarár og í Hrísey.

Á Akureyri er einn af nyrstu 18 holu golfvöllum í heimi, Jaðarsvöllur. Þar er árlega haldið golfmót sem er einstakt í sinni röð og nefnist Arctic Open.

Eyjan liggur á heimskautsbaug og er mynduð úr blágrýti sem myndar víða afar fallegt stuðlaberg sem er vinsælt myndefni ljósmyndara.  Fuglalíf er einstakt, tegundir margar og fjöldi fugla mikill. Víða er einstök aðstaða til að ljósmynda og skoða fuglalífið. Ein stærsta lundabyggð Íslands er í Grímsey.

Í þessum kafla má skoða göngukort, fræðast um dagskrá gönguvikunnar, skoða ferðir sem boðið er upp á með leiðsögn og ýmislegt fleira.

Þrjár hestaleigur eru í nágrenni Akureyrar. Hestaleigan Kátur sem er í 5 mínútna akstri frá miðbænum, sérhæfir sig í styttri ferðum meðfram Eyjafjarðaránni. Pólar Hestar sem er í um 20 mínútna akstri frá miðbænum býður upp á styttri og lengri ferðir um sveitir og óbyggðir og Hestaleigan Skjaldarvík sem býður uppá styttri reiðtúra fyrir hópa og einstaklinga um nágrenni Skjaldarvíkur.

Akureyri hentar mjög vel til hjólreiða enda eru fjölmargir leiðir og stígar í boði. Má þar m.a. nefna leiðina meðfram Glerá, í Naustaborgum og í Kjarnaskógi. Sérstaklega hannaðar leiðir fyrir fjallahjól má finna í Kjarnaskógi. Saga Travel bjóða upp á mótorhjólaferðir frá Akureyri. www.sagatravel.is

Hrísey er hluti Akureyrarkaupstaðar en eyjan er í utanverðum Eyjafirði og er önnur stærsta eyjan við Ísland, næst á eftir Heimaey sem einnig er eina eyjan hér við land þar sem búa fleiri en í Hrísey. Heimsókn út í Hrísey er ógleymanlegt ævintýr, enda er eyjan ekki kölluð "Perla Eyjafjarðar" að ástæðulausu.

Víða á Norðurlandi eru hægt að komast í hvalaskoðun og má jafnvel sjá hvali innst í Eyjafirði en á Pollinum framan Akureyrar hafa til að mynda sést andarnefjur, hnúfubakar og hrefnur. Nokkur fyrirtæki við Eyjafjörð sérhæfa sig í hvalaskoðun.

Jólagarðurinn er sannkölluð töfraveröld jólanna aðeins tíu mínútna akstur frá miðbæ Akureyrar. Verslun með jólavörur, garður og nestisbekkir. Opið allt árið.

Í salnum eru átta brautir. Opið er í Keilunni og Kaffi Jónsson mánudaga til laugardaga frá kl. 11.00 til 23.30 og sunnudaga 11.00 22.00

Fjölbreytt útivistarsvæði með alhliða möguleikum til hollrar útivistar. Í Kjarnaskógi eru upplýstar trimmbrautir og göngustígar.

Margar þjóðsögur hafa spunnist af Einari Benediktssyni athafnaskáldi og sérstaklega um viðskipti hans við erlenda fjármálamenn og sú frægasta er vafalaust þegar hann á að hafa reynt að selja þeim sjálf norðurljósin.

Frá Akureyri er ekki langt að fara til þess að komast í rafting, hvort sem ætlunin er að fara í fjölskylduferð á Jökulsá Vestari eða komast í adrenalínvímu á Jökulsá Austari.

Á Akureyri eru mörg fyrirtæki sem bjóða uppá skoðunarferðir í annað hvort jeppa eða rútu, sem geta verið annað hvort nokkrar klukkustundir eða dagsferðir.

Skautafélag Akureyrar var stofnað 1. janúar 1937. Félagið hefur það að markmiði að efla skautaíþróttina og rekur nú hina nýju og glæsilegu Skautahöll á Akureyri. Hægt er að fá leigða skauta á svæðinu og einnig er þar starfrækt sjoppa.

Í Hlíðarfjalli er sannkölluð skíðaparadís rétt við bæjardyrnar. Þar eru frábærar aðstæður til að skíða og snjóbrettaiðkunnar. Lyfturnar á svæðinu geta samanlagt flutt 4,920 manns á klst. en samfelldur hæðarmunur á skíðabrekkunum er um 500 metrar.

Í félaginu eru yfir 250 félagsmenn sem ýmist eru skotíþróttamenn eða veiðimenn. Æfingasvæði félagsins og félagshús er að finna í Glerárdal. Farið er upp Hlíðarfjallsveginn og afleggjari til vinstri við Hlíðarenda tekinn.

Aðstæður til vélsleðaferða gerast ekki betri en á Akureyri og í nágrenni og eru fjölbreyttar ferðir í boði.

Með Kaldbaksferðum er hægt að komast í lengstu skíðabrekku landsins, farið er upp á Kaldbak sem er 1174 metrar á hæð og býður upp á ótrúlegt útsýni í góðu veðri. Farið er upp á fjallið með snjótroðara. Síðan er hægt að fara niður á skíðum, bretti, gangandi eða aftur með snjótroðaranum.

Stangaveiðifélag Akureyrar selur veiðileyfi í ýmsar ár á Norðurlandi og heldur uppi öflugu félagsstarfi yfir vetrartímann. Af ársvæðum sem félagið hefur til ráðstöfunar má nefna Hofsá í Skagafirði, Ólafsfjarðará, Svarfaðardalsá, Hörgá, Reykjadalsá, Mýrarkvísl og Brunná.

Tvær sundlaugar eru á Akureyri. Sundlaug Akureyrar er með tvær laugar auk  tveggja rennibrauta, busllaug, innilaug, fjóra heita potta, eimbað, gufubað, ljósalampa og fjölskyldugarð. Glerárlaug er innilaug og á útisvæði laugarinnar eru tveir heitir nuddpottar og vaðlaug auk útkilefa.

Svifvængjasetur Norðurlands býður upp á dagsnámskeið í svifvængjaflugi. Á 6 klukkutímum er farið yfir undirstöðuatriði flugsins og hvernig stjórna á vængnum frá jörðunni.

Mýflug og Norlandair starfrækja útsýnisflug frá Akureyrarflugvelli og bjóða upp á fjölbreytt úrval útsýnisferða um norðurland auk ferða til Grímseyjar.