Áhugaverðir staðir

Akureyrarkirkja var vígð árið 1940. Kirkjan var teiknuð af Guðjóni Samúelssyni, þáverandi húsameistara ríkisins.

Gásir við Eyjafjörð eru einstakur staður 11 km norðan við Akureyri. Gásakaupstaður er verslunarstaður frá miðöldum og eru rústir þess enn sýnilegar. Þar eru árlega haldnir miðaldardagar.

Glerárgil er með dýpstu og mikilfenglegustu árgiljum í Eyjafirði, en jafnframt eitt hið gróðurríkasta. Það er grafið af Gleránni þar sem hún rennur fram úr mynni Glerárdals í um 200 m hæð yfir sjávarmáli, og nær niður að Gleráreyrum.

Grímsey er græn, grösug og einstaklega gjöful eyja: Útvörðurinn í norðri með auðug fiskimið og litríkt fuglalíf. Frægust er Grímsey trúlega í hugum ferðamanna fyrir heimskautsbauginn og kemur fólk gjarnan langa leið, til þess eins að stíga norður fyrir baug.

Hjörtun í umferðaljósunum, hjartað sem slær í Vaðlaheiðinni og rauðu límhjörtun hafa sannarlega vakið athygli þeirra sem sækja Akureyri heim og hafa þau eignast fastan sess í hjörtum bæjarbúa.

Hrísey er hluti Akureyrarkaupstaðar en eyjan er í utanverðum Eyjafirði og er önnur stærsta eyjan við Ísland, næst á eftir Heimaey sem einnig er eina eyjan hér við land þar sem búa fleiri en í Hrísey. Heimsókn út í Hrísey er ógleymanlegt ævintýr, enda er eyjan ekki kölluð "Perla Eyjafjarðar" að ástæðulausu.

Eitt af höfuðprýðum Akureyrar eru gömul hús. Í Innbænum og Fjörunni er að finna elstu hús bæjarins sem flest eru byggð á árunum 1800-1900. Mörg þeirra eru friðuð samkvæmt lögum.

Jólakötturinn á Ráðhústorginu var afhjúpaður 28. nóvember 2009 en listaverkið smíðaði ungt fólk úr Fjölsmiðjunni undir leiðsögn Aðalheiðar Eysteinsdóttur. Kötturinn læðir sér malandi inn á Ráðhústorgið laugardaginn fyrir fyrsta í aðventu og fer ekki fyrir en á þrettándanum þann 6.janúar.

Fjölbreytt útivistarsvæði með alhliða möguleikum til hollrar útivistar. Svæðið er í eigu Akureyrarbæjar en í umsjá Skógræktarfélags Eyfirðinga.

Krossanesborgir eru svæði alsett klettaborgum eða stuttum klappaásum fyrir norðan Akureyri. Svæðið var friðlýst að hluta árið 2005 sem fólkvangur.

Mynstrað munngæti er verkefni sem að snýr að mynsturgerð í íslenskri matarhefð. Vissir þú að íslenskt laufabrauð er einstakt í heiminum? Laufabrauð þróaðist á íslenskum heimilum þegar takmarkað mjöl var til og þjóðin nýtti hugvit og handverk til að skapa list úr litlu.

Garðurinn er einn af fegurstu perlum Akureyrarbæjar. Stofnað var til hans fyrir forgöngu kvenna árið 1910 og stóð frú Anna Schiöth þar í fararbroddi.

Menningarhúsið Hof hefur fest sig í sessi sem mikilvægur þáttur í menningarlífinu á Norðurlandi. Þar er reglulega boðið upp á tónleika og aðra viðburði auk þess sem húsið er vettvangur fyrir ráðstefnur, fundi, veislur, móttökur og sýningar af ýmsu tagi. Tilvalið er fyrir bæjarbúa og gesti að leggja leið sína í húsið og skoða bæði bygginguna, þær sýningar sem þar eru uppi hverju sinni og fara á þá viðburði sem boðið er upp á.

Allt frá því að trjárækt hófst á Íslandi í einhverjum mæli í kringum aldamótin 1900, hefur Akureyri staðið feti framar öðrum bæjarfélögum á landinu á því sviði. Akureyri hefur stundum verið kölluð ,,bærinn í skóginum" og ekki að ástæðulausu.

Súlur eru bæjarfjall Akureyrar, fjallstindar sem rísa yfir bænum í suðvestri.

Sundlaug Akureyrar er vatnaparadís á heimsmælikvarða fyrir alla fjölskylduna. Sundlaugarnar eru tvær. Á svæðinu er að finna tvær rennibrautir, busllaug, innilaug, fjóra heita potta, eimbað, gufubað, ljósalampa og fjölskyldugarð með vinsælum leiktækjum sem er opinn yfir sumartímann.