Haustfrí á Akureyri

 Hugmyndir fyrir fjölskylduna í haustfríinu:

Lesið á ljósastaura. Hægt að fylgja járnbókunum sem festar eru á ljósastaura frá Amtsbókasafninu að Nonnahúsi í Innbænum eða öfugt. Hér getur öll fjölskyldan sameinast í lestri (kannski með vasaljósi) og endað á bókasafninu með góðar hugmyndir að skemmtilegu lestrarefni. 

• Innbærinn í nýju ljósi. Tilvalið er að ganga um Innnbæinn með bæklinginn  „Frá torgi til fjöru“ í hönd til að kynnast sögu bæjarins. Þegar komið er inní Innbæ eru söguskilti sem gaman er að lesa á og skoða myndirnar til að setja söguna í enn betra samhengi. 
  Það má líka undirbúa sig heima með því að lesa þetta: Frá torgi til fjöru
  
  
• Fræðist um sögu Akureyrar. Víðsvegar um eldri hluta bæjarins eru skilti sem segja sögu hvers staðar fyrir sig. Skiltin gera grein fyrir sögu húsa og staðhátta í máli og myndum, alla leið frá Strandgötu inn í Innbæinn. Sjá nánar um skiltin hér
  
  
• Þekkir þú Útlagana, Sólúrið, Tilveru og þrumguðinn Þór? Ef ekki þá er tilvalið að nálgast bæklinginn „Útilistaverk á Akureyri“ á upplýsingamiðstöðinni í Hofi velja nokkur verk sem áhugavert væri að skoða og kynnast betur og einfaldlega ganga, hjóla eða keyra af stað.
   Það má líka undirbúa sig heima með því að lesa þetta: Útilistaverk á Akureyri
   Hægt er að nálgast bæklinginn á upplýsingamiðstöðinni í Hofi.
  
  
• Kjarnaskógur. Frábær leikvöllur og skemmtilegar gönguleiðir um skóginn. Einnig er gaman að prófa nýja klifurkastalann en auk þess er nýlega búið að setja upp hjólastólarólu á leiksvæðinu.
  
  
• Ferja, folf og sund í Hrísey. Tilvalið að taka ferjuna í Hrísey, taka með sér frísbídiska (ef veður leyfir) og sundföt. Folfið er staðsett við Gamla skóla og það er skilti við höfnina og eins á staðnum. Eftir útiveru og sundferð er svo tilvalið að skella sér á veitingastaðinn Verbúðin 66 og fá sér hressingu.  Frekari upplýsingar má finna á www.hrisey.is
  
  
• Komdu í heimsókn á safn.
• Flugsafnið
  • Opið á laugardögum kl. 14-17
  • Sjá nánar á www.flugsafn.is
• Mótorhjólasafnið
  • Opið á laugardögum og sunnudögum kl. 13-16
  Hælið, Kristnesi

  • Opið á laugardögum og sunnudögum kl. 14-18
  • Sjá nánar á www.haelid.is
  Minjasafnið á Akureyri og Nonnahús:
  • Á safninu er sýningin Land fyrir stafni!  Schulte Collection – Íslandskort frá 1547-1808. Láttu einstaka veröld kortanna koma þér á óvart. Líttu í stofu kortagerðarmannsins – margt að prófa. Skrímslaleikur og skuggaleikhús.
  • Akureyri bærinn við Pollinn. Hvernig var Akureyri í upphafi? Þekkir þú furðugripina? Mátaðu hatta og búninga.
  • Safnið er opið alla daga frá 13-16. Aðgangseyrir 1600 kr., ókeypis fyrir yngri en 18 ára. Sjá nánar á www.minjasafnid.is
• Listasafnið á Akureyri: 
  • Sýningarnar:
    • Björg Eiríksdóttir – Fjölröddun,
    • Halldóra Helgadóttir – Verkafólk,
    • Hrafnhildur Arnardóttir – Faðmar,
    • Eiríkur Arnar - Turnar
    • Knut Eckstein - ég hefenganáhuga á nokkrusemerstærraen lífið
    • Síðasta Thule
    • Úrval
    • Frá Kaupfélagsgili til Listagils,
    • Vídeóvinda
  • Sýningarnar eru opnar alla daga kl 12-17. Aðgangseyrir 1500 kr, ókeypis fyrir yngri en 18 ára.  Sjá nánar á www.listak.is
• Iðnaðarsafnið
  • Safnið varðveitir blómlega iðnaðarsögu Akureyrar í formi véla, framleiðsluvöru, handverks, umbúða og ljósmynda svo eitthvað sé nefnt.
  • Safnið er opið mán-lau frá kl. 13-16. Aðgangseyrir 1500 kr, ókeypis fyrir 17 ára og yngri. Sjá nánar á www.idnadarsafnid.is
• Norðurslóðasetrið
  • Norðurslóð er samansafn ellefu áhugaverðra sýninga sem fjalla um sögu Norðursins í máli og myndum. Sýningarnar leiða gestinn í gegnum ýmis tímabil í sögu Norðursins og taka fyrir margvísleg áhugaverð viðfangsefni, svo sem landnám Íslands, dýralíf á norðurslóðum, handverk og strandlíf svo fátt eitt sé nefnt. 
  • Opið er alla daga frá kl. 14-17. Aðgangseyrir 1500 kr, ókeypis fyrir 12 ára og yngri. Sjá nánar á www.nordurslod.is
• Amtsbókasafnið á Akureyri. Á Amtsbókasafninu finna allir fjölskyldumeðlimir eitthvað við sitt hæfi 
  • Sögustund 24. október kl. 16:30.
  • Hægt er að máta búninga, teikna saman, fara í Kinect leikjatölvu, spila, lesa og skoða rafbókasafnið.
  • Safnið er opið mán-fös frá kl.8.15-19.00 og laugardaga 11.00-16.00.
  • Nánari upplýsingar á www.amtsbok.is
    
• Samkomuhúsið. Fjölskyldusýningin Galdragáttin og þjóðsagan sem gleymdist er sýnd laugardag 26. október og sunnudag 27. október kl. 13:00. www.mak.is
  
  
• Skelltu þér í sund.  Hér má sjá opnunartíma sundlauganna.
  
  
• Skautahöllin.  Opið fyrir almenning föstudag kl 13-16 og skautadiskó á föstudagskvöldi frá kl.19-21. Laugardag og sunnudag kl 13-16. Aðgangseyrir er 900 fyrir fullorðna og 600 fyrir börn og skautaleigan 500 kr en gjaldskránna má finna á www.sasport.is
  
  
• Krossanesborgir. Þar eru 10 fræðsluskilti sem gaman væri að lesa á – líklegast gott að hafa með vasaljós (til að sjá ef myrkur er)
  
  
• Innanhússgolf. Í einni bestu aðstöðu innanhúss á landinu í kjallaranum í Íþróttahöllinni. Opnunartími í haustfríinu er 9.00-20.00 virka daga og 10.00-17.00 um helgar. Verð er 1000 kr. Einnig eru tveir golfhermar af fullkomnustu gerð sem hægt er að spila í. Verð er frá 2800-3200 kr klst. Nánari upplýsingar á www.gagolf.is
  
  
• Folf (frisbígolf). Það er tilvalið að skella sér í folf í fríinu en bæði er hægt að fara hring á Hamarkotstúninu, Eiðsvelli, við Glerárskóla og á Hömrum (við tjaldsvæðið)
  
  
• Upplýsingar um fjölbreytta afþreyingu fyrir alla fjölskylduna má finna hér og kynnið ykkur viðburðadagatalið hér