Líkamsrækt, sund, dekur

Abaco býður upp á margþætta þjónustu. Þar starfa nuddarar, snyrtifræðingar, hjúkrunarfræðingur, sjúkraliði og sjúkraþjálfari.

Aqua Spa er nudd- og snyrtistofa og býður upp á allar helstu nudd og snyrtimeðferðir. Í aqua Spa starfa 4 snyrtifræðingar og 8 nuddarar. Í Aqua Spa er boðið upp á sjúkranudd og þar starfar einnig Kírópraktor.

Átak heilsurækt við Skólastíg opnaði í Janúar 2010. Þar er boðið upp á stóran tækjasal með miklu úrvali af líkamsræktartækjum ásamt lóðum, boltum, TRX, bjöllur, Bozu og öllu því sem þarf til þess að geta æft markvisst.

Ein stærsta líkamsræktarstöðin á landsbyggðinni er til húsa í Strandgötu 14.  Húsið er byggt út í sjó og er útsýnið því mikið. Húsið er 1.500 fm að stærð og öllum þægindum búið.

Heilsukjarninn er í húsa að Tryggvabraut 22. Þar starfa nuddarar, heilari og hómópati. Boðið er upp á hefðbundið heilsunudd, heilun og viðtöl hjá hómópata, en að auki er tekið við hópum í slökun í innisundlauginni og indíánagufu sem er um tveggja klukkustunda meðferð með ýmsum gjörningum.

Inspiration Iceland er fyrirtæki sem leggur áherslu á lifandi og skemmtileg ferðalög og bíður uppá ævintýraferðir til orkustaða og náttúrulinda, heilsu- og jóga ferðalög undir miðnætursólinni og norðurljósunum. Við bjóðum uppá dagsferðir, slökunardaga og spennandi vikulangar pakkaferðir.

Á líkamsræktarstöðinni Bjargi eru þrír 12 manna heitir pottar, stórt eimgufubað úti og saunaböð í báðum klefum. Snyrtiaðstaðan er glæsileg, sem og tækjasalurinn og hóptímasalirnir. Hópar geta fengið heilsueflingardaga á Bjargi; það felst í kennslu í líkamsrækt, matreiðslukennslu, slökun og nuddi við pottinn.

Á Snyrtistofunni Lind er boðið upp á andlitsböð, litun og plokkun með heitsteinanuddi, fótsnyrtingu, handsnyrtingu, vaxmeðferðir, förðun, gervineglur og Tattoo. Einnig eru í boði öll helstu nudd: Slökunarnudd, heilsunudd, sogæðanudd, meðgöngunudd, ilmolíunudd og partanudd.

Tvær sundlaugar eru á Akureyri. Sundlaug Akureyrar er með tvær laugar auk  tveggja rennibrauta, busllaug, innilaug, fjóra heita potta, eimbað, gufubað, ljósalampa og fjölskyldugarð. Glerárlaug er innilaug og á útisvæði laugarinnar eru tveir heitir nuddpottar og vaðlaug auk útkilefa.