Menning og söfn

Akureyrarvaka er bæjarhátíð sem haldin er þann laugardag sem næst liggur afmæli Akureyrarbæjar, 29. ágúst. Hátíðin markar jafnframt lok Listasumars, listahátíðar sem stendur frá Jónsmessu til ágústloka.

Amtsbókasafnið er eitt stærsta almenningsbókasafn landsins. Það er til húsa í glæsilegri byggingu við Brekkugötu 17 og er tilvalið að heimsækja það þó ekki væri til annars en að skoða húsakynnin.

Áramótin á Akureyri verða með hefðbundnu sniði nú sem endranær. Boðið verður upp á brennu við Réttarhvam, haldin eru böll og skemmtanir auk þess sem bæjarbúa taka þátt í hátíðarhöldunum með miklum myndarbrag með því að skjóta upp flugeldum um miðnætti.

Hús Davíðs Stefánssonar, skáldsins frá Fagraskógi er staðsett í Bjarkastíg númer 6.  Davíð byggði húsið og bjó í því til dauðadags 1964. Á efri hæð hússins er íbúð hans varðveitt eins og hann skildi við hana. Þar er geysimikið bókasafn.

Í Festarkletti-listhúsi eru sýnd verk eftir listmálarann Óla G. Jóhannsson.

Flugsafn Íslands er staðsett á Akureyrarflugvelli.  Þar er að finna fjölbreytt úrval flugvéla og annarra sýningargripa sem tengjast íslenskri flugsögu.

Myndlistarfélagið hefur umsjón með GalleríBOX sem er íslenskt gallerí sem veitir bæði athygli þeirri listræni sköpun sem á sér stað í næsta nágrenni sem og á stærra sviði. 

er bar sem býður upp á fjölbreytt úrval drykkja og lifandi tónlist. Græni Hatturinn er staðsettur á neðri hæð Bláu Könnunnar.

var reistur árið 1835 og var læknisbústaður til að byrja með. Árið 1872 keypti Friðrik Gudmann kaupmaður húsið.  Þetta var fyrsti spítalinn á Akureyri og var húsið upp frá því kennt við minningu hans og nefnt Gudmanns Minde.

Alda Halldórsdóttir var fædd árið 1913 og bjó hún í Holti ásamt móður sinni. Mikið af hannyrðum eftir Öldu eru í húsinu einnig er mikið af ljósmyndum af vinum hennar og ættingjum. Í Holti er nú vísir að byggðasafni.

Vinna við gerð nýrrar menningarstefnu fyrir Akureyrarbæ stendur nú yfir. Hér má sjá niðurstöður fimm hópa sem hafa skoðað stöðu menningarmála út frá eftirfarandi fimm listgreinum: Sviðslistum, sjónlistum, ritlist, menningararfinum (söfn og sögu) og tónlist.

Í þessu elsta húsi Hríseyjar er nú búið að koma upp vísi að sýningu sem tengist hákarlaveiðum við strendur Íslands fyrr á öldum. Húsið var byggt á árunum 1885-86 af Jörundi Jónssyni, eða Hákarla-Jörundi úr timbri norskra skipa er fórust við Hrísey, þann 11. september 1884.

Iðnaðarsafnið er safn atvinnulífs seinni alda á Akureyri þar sem sérstök áhersla er lögð á iðngreinar og fyrirtæki á því sviði. Sýndar eru vélar, framleiðsluvörur og myndir af fólki að störfum.

KUNSTRAUM WOHNRAUM var stofnað af Hlyni Hallssyni og Jan Fehlis árið 1994. Á heimili Hlyns Hallssonar og Kristínar Kjartansdóttur hafa listamenn haldið sýningar síðan.

Kvennakór Akureyrar var stofnaður árið 2001 en fyrstu drög að kórnum ná aftur til ársins 1997 þegar hópur kvenna tengdar íþróttafélaginu KA ákvað að stofna blandaðan kór sem syngi aðallega létta dægurtónlist. Illa gekk að fá karlaraddir í kórinn, og var honum þá breytt í kvennakór.

Í Friðbjarnarhúsi er sýning á leikföngum í eigu Guðbjargar Ringsted.  Leikföngin eru öll frá síðustu öld.  Á efri hæð hússins er fundarsalur Góðtemplarareglunnar sem gaf Akureyrarbæ húsið en Góðtemplararegla Íslands var stofnuð í húsinu, sem er kennt við Friðbjörn Steinsson. 

Starfsemi Leikfélags Akureyrar er viðamikil. LA setur upp þrjár til fjórar leiksýningar árlega auk þess að standa fyrir komu gestasýninga til Akureyrar. 

Miðpunktur listalífsins á Akureyri er í Kaupvangsstræti, nánar tiltekið í Grófargili sem í daglegu tali er nefnt Listagil.

Listasafnið á Akureyri er yngsta listasafnið á landinu og jafnframt það eina sinnar tegundar utan höfuðborgarsvæðisins. Listasafnið á Akureyri leggur áherslu á að virkja sem flesta til þátttöku, að fræða almenning um sjónlistir og efla umræðu um samfélagið, menningu og listir þar sem safnkennsla og fyrirlestrahald skipar stóran sess.

Listasumar er fyrir löngu orðið að föstum lið í sumarflórunni á Akureyri og setur mikinn og hátíðlegan svip á bæinn. Hátíðin hefst á Jónsmessuleik í Kjarnaskógi.

Menningarhúsið Hof var formlega opnað 28. ágúst 2010. HOF verður menningarhús Norðlendinga og í raun allra landsmanna. Það skapar verðugan ramma um menningar- og tónlistarlíf með því að bjóða upp á fyrirmyndaraðstöðu fyrir fjölbreytilega viðburði á sviði tónlistar, leiklistar, danslistar og ráðstefnuhalds.

Menningarmiðstöðin í Listagili er í eigu Akureyrarbæjar og heyrir undir menningardeild bæjarins. Forstöðumaður Menningarmiðstöðvarinnar hefur aðsetur og skrifstofu í Ketilhúsinu í Listagili.

Starfsemi Minjasafnsins á Akureyri er afar fjölbreytt og stendur safnið fyrir fjölmörgum viðburðum auk sýningarhalds. Markmið Minjasafnsins er að safna, varðveita og rannsaka menningarsögulegar minjar, einkum þær sem eru lýsandi fyrir daglegt líf og atvinnuvegi í Eyjafirði.

Mjólkurbúðin er gallerý staðsett í Listagilinu.  Í Mjólkurbúðinni er sýnd mynlist eftir íslenska og erlenda listamenn.

Mótorhjólasafn Íslands er glænýtt safn um sögu mótorhjóla á Íslandi í yfir 100 ár. Mótorhjól, myndir og munir í glæsilegri nýrri 800 fermetra byggingu sem hönnuð er sérstaklega fyrir mótorhjólasafn.

Nonnahús er talið byggt árið 1849. Akureyrarbær á húsið og er þar safn til minningar um rithöfundinn og prestinn Jón Sveinsson, Nonna (1857-1944). Húsið var friðað samkvæmt þjóðminjalögum árið 1978 og er að flestu leyti gott dæmi um elstu timburhúsagerðina.

Listahópurinn Norðanbál rekur gestavinnustofu í Gamla barnaskólanum í Hrísey.  Hann er innréttaður  með vinnustofu og þremur svefnherbergjum til útleigu fyrir listamenn hvaðanæva úr heiminum.

Populus tremula er menningarsmiðja, rekin af sjálfstæðu félagi listamanna úr ýmsum greinum, bæði sem vinnustofa og sem vettvangur menningarviðburða af ýmsu tagi.

Hljómsveitin heldur að jafnaði 5-7 tónleika á hverju starfsári auk skólatónleika í grunnskólum á Norðurlandi.

VeggVerk er heiti á sýningarrými sem er á vesturhlið Strandgötu 17 á Akureyri.