Listasumar á Akureyri er ómissandi þáttur í sumarflóru Akureyrarbæjar og setur líflegan og hátíðlegan svip á bæinn. Fjölbreytt dagskrá Listasumars frá Jónsmessu að Akureyrarvöku þar sem boðið er upp á yfir hundrað viðburði, er mikilvægur og ómissandi þáttur í menningarlífi á svæðinu bæði fyrir heimamenn og ferðalanga.
Fastir dagskrárliðir Listasumars eru djasskvöldin á Heitum fimmtudögum og hádegistónleikarnir á föstudögum í hverri viku og Sumartónleikar í Akureyrarkirkju á sunnudagseftirmiðdögum í júlímánuði. Auk myndlistasýninga í Listasafninu, Ketilhúsinu og Deiglunni eru settar upp fjölbreyttar sýningar í galleríum og vinnustofum á svæðinu.
Söfnin á Akureyri, í Eyjafirði og Þingeyjarsýslum eru hvert um sig með einstakar sýningar og bjóða upp á ýmsa viðburði.
Fjölmargir aðrir viðburðir eru undir hatti Listasumars sem nánar eru kynntir í bæklingi Listasumars sem gefinn er út á íslensku og ensku.
Menningarmiðstöðin Listagili
Listasumar á Akureyri
Valdís Viðarsdóttir
forstöðumaður og framkvæmdastjóri
Sími/Tel: 466 2609
listagil@listagil.is
http://www.listagil.akureyri.is/
Akureyrarstofa
Þú getur líka fylgst með okkur á
Fésbókinni. Alltaf eitthvað að gerast á Akureyri, ekki missa af neinu.