Minjasafnið á Akureyri

Aðalstræti 58
IS-600 Akureyri
Sími: 462 4162 / Fax: 461 2562
Netfang: akmus@akmus.is
Heimasíða: www.akmus.is

Starfsemin
Starfsemi Minjasafnsins á Akureyri er afar fjölbreytt og stendur safnið fyrir fjölmörgum viðburðum auk sýningarhalds. Markmið Minjasafnsins er að safna, varðveita og rannsaka menningarsögulegar minjar, einkum þær sem eru lýsandi fyrir daglegt líf og atvinnuvegi í Eyjafirði. Í sýningum safnsins er leitast við að gefa góða innsýn í sögu og menningu héraðsins. Sýningar Á Minjasafninu gefur að líta þrjár sýningar. Sýningarnar Eyjafjörður frá öndverðu og Akureyri bærinn við Pollinn gefa glögga mynd af sögu fjarðar og bæjarins. Margt merkilegra muna er á sýningnunum t.d. Þórslíkneski, vefstaður, munir frá Gásum, elsti róðukross á Íslandi, ljósmyndir og kort frá Akureyri auk muna sem tengjast lífi fólks á Akureyri fyrr á tíð.

Minjasafnið er annað og meira en sýningarsalur og starfsemin því fjölbreyttari en virðist við fyrstu sýn. Bersýnilegar eru sýningar og  viðburðir. Starfsemin grundvallast hins vegar á að safna, varðveita, rannsaka og fræða. 

Minjasafnskirkjan
Stærsti gripur Minjasafnsins er svartbikuð timburkirkja sem stendur norðan við Minjasafnsgarðinn og var upphaflega á Svalbarði austanmegin Eyjafjarðar. Hana byggði kirkjusmiðurinn Þorsteinn Daníelsson frá Skipalóni árið 1846 og er hún gott dæmi um íslenskar sveitakirkjur sem reistar voru á Íslandi um miðbik nítjándu aldar. Hægt að leigja Minjasafnskirkjuna fyrir athafnir eða tónleika.
Minjasafnsgarðurinn er ein af perlum Minjasafnsins og safngripur í sjálfu sér. Garðurinn er einn örfárra varðveittra íslenskra skrúðgarða frá aldamótunum 1900.

Opnunartími safnsins
Afgreiðslutími: Opið frá 10-17 alla daga frá 1. júní til 16. september. Frá 16. september til 1. júní er opið á laugardögum frá 14-16. Einnig er hægt að skoða safnið á virkum dögum á opnunartíma skrifstofunnar frá kl. 8.00 - 16.00 samkvæmt  samkomulagi (sími: 462 4162).

Aðgengi
Fjarlægð frá miðbæ: Gangandi 20 mín. Strætisvagnaferðir: Leið 3 og 6.  

Laufás
Gamli bærinn í Laufási er opinn frá 9-18 alla daga og til 22 á fimmtudögum frá 15. maí til 15. september. Frá 16. september er hann opinn eftir samkomulagi. Hægt er að leigja Gamla prestshúsið í Laufási fyrir fundi og veislur.

Sögugöngur
Minjasafnið á Akureyri býður upp á gönguferðir með leiðsögn um Akureyri fyrir hópa ef óskað er. Í gönguferðum safnsins gefst tækifæri til að fræðast um sögu Akureyrar á einstakan hátt. Gengið er um elstu hverfi bæjarins, staldrað við merkileg hús og er göngufólk frætt um sögu húsanna og íbúa fyrr á tíð. Minjasafnið hóf skipulagðar sögugöngur fyrir nokkrum árum og hefur þátttaka í þeim farið vaxandi með hverju árinu. Bæjarbúar hafa verið mjög duglegir að mæta í auglýstar göngur en undanfarin misseri hefur færst í vöxt að slíkar göngur séu pantaðar af hópum sem leggja leið sína til Akureyrar. Slíkar göngur hafa verið vinsælar sem hluti af dagskrá árshátíða eða ráðstefna. Boðið er upp á nokkrar sögugöngur til dæmis Innbæjargöngu um gömlu Akureyri (á íslensku), gönguferð um Oddeyrina (á íslensku), Frá kirkju til kirkju, þar sem gengið er frá Akureyrarkirkju að Minjasafnskirkjunni (á íslensku, ensku og skandinavísku), og Nonnagöngu í samstarfi við Nonnahús (á íslensku). Sögugöngur fyrir hópa kosta kr. 10.000 og þarf að panta með um það bil tveggja vikna fyrirvara. Viðburðir Minjasafnið stendur fyrir fjölmörgum viðburðum. Draugavaka safnsins á menningarnótt Akureyrar, sem haldin er í lok ágúst, er að öðlast fastan sess og komast að færri en vilja. Söngvökur eru haldnar í Minjasafnskirkjunni á sumrin, og hægt er að panta söngvöku sérstaklega á veturna. Söngvaka kostar 25.000. Viðburðir eru auglýstir sérstaklega.