Akureyri 150 ára

TIL HAMINGJU MEÐ AFMÆLIÐ,
AKUREYRINGAR!

Dagskrá hvers mánaðar er birt í valmyndinni hér til hægri.

Árið 2012 eru 150 ár frá því Akureyrarbær hlaut kaupstaðarréttindi. Af því tilefni gerum við okkur glaðan dag allt þetta ár og tökum virkan þátt í afmælisveislunni. Íbúar sveitarfélagsins eru hvattir til að láta ekki sitt eftir liggja í hátíðarhöldunum og fegrun bæjarins.

Það verða viðburðir stórir sem smáir allt árið um kring en segja má að aðalhátíðarhöldin hefjist föstudaginn 24. ágúst og verður áherslan þá helgi lögð á unga fólkið. Sjálfur afmælisdagurinn er 29. ágúst og verða m.a. fjörug og hæfileikarík leik- og grunnskólabörn áberandi þann dag. Aðalhátíðarhöldin fara svo fram á sjálfri Akureyrarvöku helgina 31. ágúst - 2. september og verður mikill glaumur og gleði, þar sem bæjarbúar og gestir hans víða að komnir taka þátt í að fagna með afmælisbarninu.

Meðal þess sem hægt er að gera til að taka þátt í afmælinu er að senda Akureyri heimatilbúið afmæliskort með persónulegri kveðju. Kortin skal senda til Amtsbókasafnsins, Brekkugötu 17, og verður efnt til sýningar á þeim undir lok ársins.

Gleðjumst saman og tökum virkan þátt í afmælisárinu!

Miðvikudaginn 18. janúar var ísskápsseglum dreift til bæjarbúa og var um að ræða sex ólíkar myndir frá Minjasafninu á Akureyri sem sjá má hér að neðan. Þess má geta að hægt er að heimsækja Minjasafnið og kaupa þar afrit af ýmsum gömlum og fallegum ljósmyndum.

Smellið á myndirnar til að skoða stærri útgáfur, sjá upplýsingar um myndefni og ljósmyndara, og fletta á milli þeirra.