- Þriðji þátturinn af tíu sem sjónvarpsstöðin og framleiðslufyrirtækið N4 gerir um afmælisbarnið Akureyri er sýndur 24. apríl. Þættirnir bera heitið "Ég sé Akureyri" og er aprílmánuður helgaður menntun.
- Í apríl verður hægt að njóta Páskaævintýris á Akureyri en þá er viðburðum safnað saman þannig að auðvelt sé að nálgast upplýsingar. Bæjarbúar sem og gestir njóta útivistar í t.d. Hlíðarfjalli og í Kjarnaskógi og sækja þess á milli viðburði af ýmsu tagi, heimsækja eitthvert af fjölmörgum söfnum bæjarins, njóta þess að borða á einhverju af fjölmörgum veitingastöðum bæjarins og rölta á milli verslana og kaffihúsa í miðbænum og utan hans.
- Á fyrsta degi aprílmánaðar verður óperusýning í menningarhúsinu Hofi þegar kammerkórinn Hymnodia flytur barokkóperuna Didi og Aaneas eftir Purcell ásamt hljómsveit. Einsöngvarar koma allir úr röðum kórsins og stjórnandi er Eyþór Ingi Jónsson.
- Á Skírdag er komið að stórtónleikum Sinfóníuhljómsveitar Norðurlands en þá mun sveitin taka höndum saman við Ungsveit Sinfóníuhljómsveitar Íslands og einleikarann Sæunni Þorsteinsdóttur. Flutt verður Sellókonsertí e-moll eftir Edward Elgar. Á efnisskrá verður einnig Sinfónía nr. 5 eftir Shostakovich. Eins og nafnið á tónleikunum bendir til mega áheyrendur búast við kraftmiklum og glæsilegum konsert.
- Það verður Fjölskylduferð á skódanum í menningarhúsinu Hofi á Föstudaginn langa en þarna er auðvitað verið að vísa til tónleika til heiðurs Ingimari Eydal sem hefði orðið 75 ára í október síðastliðnum.
- Óskar Pétursson verður i gestgjafahlutverkinu þegar hann tekur á móti landsþekktum listamönnum í menningarhúsinu Hofi 7. apríl. það má gera ráð fyrir léttum og skemmtilegum tónleikum með óbeisluðum húmor eins og Óskari er einum lagið.
- Vorþing AkureyrarAkademíunnar þar sem fjallað var um Guðjóns Samúelsson húsameistara ríkisins tókst með
miklum ágætum. Fasteignir Akureyrar bjóða þeim sem misstu af þessari frábæru dagskrá að hlýða á erindin
fimmtudaginn 26. apríl klukkan 16.15 í sal Brekkuskóla.
- Andrésar Andar leikarnir fara fram 18. - 21. apríl. Þetta er viðburður sem fjölmargir sækja, jafn ungir sem aldnir og allir sammála að gera sitt allra besta í brekkum Hlíðarfjalls.
- Vorkoma Akureyrarstofu er haldin Sumardaginn fyrsta og er þá tilkynnt hver hlýtur starfslaun listamanns auk ýmissa annarra viðurkenningar.
- Það verður án efa hart tekist á á Arion handboltamótinu sem fram fer 20. -22. apríl. Drengir og stúlkur fædd 1999 sýna þar hversu flink þau eru orðin í handbolta.
- Á Sumardaginn fyrsta er ætíð dagskrá á Minjasafninu þar sem sumrinu er fagnað með brosi á vör.
- Þátturinn "Gestir út um allt" verður sendur beint út á Rás 2 úr Hofi. Margrét Blöndal, Felix Bergsson og hljómsveit hússins með Hjörleif Örn Jónsson í fararbroddi taka á móti góðum gestum.
-
Dvalar – og hjúkrunarheimilið Hlíð á stórafmæli á þessu ári – heimilið var vígt á 100 ára afmæli Akureyrarkaupstaðar 29. ágúst 1962 og er því 50 ára á þessu ári. Í tilefni af afmælisárinu ætla heimilin að brydda upp á þeirri nýbreytni að vera með málstofu síðasta mánudag hvers mánaðar kl. 12:15 - 12:45 í samkomusalnum í Hlíð. Fengnir verða fyrirlesarar úr ólíkum áttum til þess að fjalla um athyglisverð málefni sem varða efri ár. Allir eru velkomnir - innan öldrunarheimilanna sem utan.
Flýtilyklar
Apríl
Leit
Svæði
Logn 0m / s
+10.5°
Akureyrarstofa