Desember

Tíundi þátturinn af tíu sem sjónvarpsstöðin og framleiðslufyrirtækið N4 gerir um afmælisbarnið Akureyri er sýndur í desembermánuði.
Afmælisárið er á síðustu metrunum og það er upplagt að leggja leið sína á Amtsbókasafnið á Akureyri og skoða þau fjölmörgu heimagerðu afmæliskort sem afmælisbarninu bárust en safnið mun setja upp sýningu í desember á kortunum og verður forvitnilegt að skoða og lesa skilaboðin til Akureyrar.
Á Fullveldisdeginum 1. desember stendur Háskólinn á Akureyri fyrir Fullveldishátíð í Háskólanum á Akureyri og verður málþing og hátíðardagskrá af þessu tilefni.