Janúar

Dagskrá afmælisársins kynnt 17. janúar á blaðamannafundi á Minjasafninu.
Sjónlistamiðstöðin í Listagili - opnun í Listasafninu á sýningunni Rými málverksins.
Tónleikar Fjallabræðra ásamt sérstökum gestum, Sverrir Bergmann og Jónas Sig úr Ritvélum Framtíðarinnar, í Hofi.
Leikfélag Akureyrar frumsýnir í Samkomuhúsinu Gulleyjuna sem er ein frægasta sjóræningjasaga allra tíma! Sýning sem er full af galdri, gulli, græðgi, bardögum, blekkingum, talandi páfagaukum, kostulegum persónum og eldfjörugri tónlist.
Þátturinn Gestir út um allt útvarpað beint á Rás 2 úr Hofi. Margrét Blöndal, Felix Bergsson og hljómsveit hússins með Hjörleif Örn Jónsson í fararbroddi taka á móti gestum.
Dvalar – og hjúkrunarheimilið Hlíð á stórafmæli á þessu ári – heimilið var vígt á 100 ára afmæli Akureyrarkaupstaðar 29. ágúst 1962 og er því 50 ára á þessu ári. Í tilefni af afmælisárinu ætla heimilin að brydda upp á þeirri nýbreytni að vera með málstofu síðasta mánudag hvers mánaðar kl. 12:15 - 12:45 í samkomusalnum í Hlíð. Fengnir verða fyrirlesarar úr ólíkum áttum til þess að fjalla um athyglisverð málefni sem varða efri ár. Hrefna Brynja Gísladóttir iðjuþjálfi á Öldrunarheimilum Akureyrar ríður á vaðið mánudaginn 30. janúar nk. og segir frá Eden– hugmyndafræðinni sem unnið er eftir á öldrunarheimilunum. Allir eru velkomnir - innan öldrunarheimilanna sem utan!!

Veftré

V 3m / s +5°

Skráðu þig á póstlistann hjá okkur og fáðu reglulega fréttir af viðburðum á Akureyri.