- Annar þátturinn af tíu sem sjónvarpsstöðin og framleiðslufyrirtækið N4 gerir um afmælisbarnið Akureyri er sýndur 27. mars. Þættirnir bera heitið "Ég sé Akureyri" og er marsmánuður helgaður daglegu lífi.
- Dagur tónlistarskólanna er haldinn hátíðlegur í marsmánuði og þá er ætíð glatt á hjalla og það verða ófáir tónarnir sem hljóma í Hofi þennan dag 3. mars.
- Vorþing Akureyrarakademíunnar verður haldið í gamla Húsmæðraskólanum laugardaginn 10. mars kl. 13-17. Yfirskrift þingsins er "Guðjón Samúelsson og ásýnd Akureyrar". Meðal viðmælenda eru Pétur H. Ármannsson arkitekr, Árni Ólafsson arkitekt og Valgerður H. Bjarnadóttir. Þingforseti er Kristín Aðalsteinsdóttir prófessor.
- Söngdagar eru sameiginlegt verkefni leik- og grunnskóla bæjarins. Þeir verða haldnir 16. og 23. mars milli klukkan 10 og 11. Þá munu nemendur leik- og grunnskóla sameinast í miðbæ Akureyrar og syngja nokkur lög saman.
- Íslenski dansflokkurinn heimsækir menningarhúsið Hof 10. mars með sýninguna Minus 16 sem er eftir Ohad Naharin rokkstjörnu dansheimsins.
- Hljóðfæraleikarar úr Sinfóníuhljómsveit Norðurlands spila á kammertónleikum í menningarhúsinu Hofi og
er yfirskriftin Stuðlar.
Bíó Paradís í samvinnu við KvikYndi (Kvikmyndaklúbb Akureyrar) og menningarhúsið Hof sýna sígildar myndir á breiðtjaldi í Hofi. Kvikmyndin Sjónvarpsstöðin eða Network frá árinu 1976 verður sýnd 21. mars. -
Dvalar – og hjúkrunarheimilið Hlíð á stórafmæli á þessu ári – heimilið var vígt á 100 ára afmæli Akureyrarkaupstaðar 29. ágúst 1962 og er því 50 ára á þessu ári. Í tilefni af afmælisárinu ætla heimilin að brydda upp á þeirri nýbreytni að vera með málstofu síðasta mánudag hvers mánaðar kl. 12:15 - 12:45 í samkomusalnum í Hlíð. Fengnir verða fyrirlesarar úr ólíkum áttum til þess að fjalla um athyglisverð málefni sem varða efri ár. Allir eru velkomnir - innan öldrunarheimilanna sem utan.
Flýtilyklar
Mars
Leit
Svæði
V 3m / s
+5°
Akureyrarstofa
Þú getur líka fylgst með okkur á
Fésbókinni. Alltaf eitthvað að gerast á Akureyri, ekki missa af neinu.