Hótel og hótelíbúðir

Hótel Akureyri er huggulegt hótel í hjarta Akureyrar. Þaðan er stutt að ganga í alla þjónustu sem og afþreyingu. Hótelið býður uppá vinalega og góða þjónustu og rólegt andrúmsloft.

Sumarhótelið er opið frá 11. júní - 22. ágúst ár hvert. Á hótelinu eru rúmlega 200 herbergi. Hótelið er staðsett í um 10 mínútna göngu frá miðbænum eða við hlið Lystigarðsins.

Hótel Kea er eitt af þekktustu kennileitum Akureyrar og hefur haldið virðuleika sinum í gegnum árin. Hótel Kea er eina fjögurra stjörnu hótelið á Akureyri og er staðsett í hjarta bæjarins þar sem stutt er í alla þjónustu, verslanir, söfn og veitingastaði.

Á Hótel Norðurlandi eru 34 herbergi öll búin helstu þægindum. Hótelið er á þremur hæðum og er gestamóttaka og morgunverðarsalur á jarðhæð.

Hótel íbúðir eru staðsettar í miðbæ Akureyrar. Í hótelinu eru fimm snyrtilegar íbúðir sem hver um sig er fullbúin húsgögnum og sjónvarpi.

Icelandair Hótelið við Þingvallastræti opnaði í júní 2011. Herbergin eru nýtískuleg, björt og útbúin öllum þeim þægindum sem búast má við á gæða hóteli. Öll herbergin eru með sér baðherbergi með sturtu, hárþurrku, sjónvarpi, nettengingu, síma og kaffi/te setti. Útsýni yfir Eyjafjörðinn, Vaðlaheiði, Súlur og Hlíðarfjall.

Hjá Sæluhúsum á Akureyri er boðið upp á 33 rúmgóðar og stílhreinar studíóíbúðir auk 7 glæsilegra heilsárshúsa . Hver íbúð er með sérinngangi, eldhúsaðstöðu, sér verönd, og flestar þeirra með fallegu útsýni yfir Pollinn. Margar þeirra eru með heitum potti. Ekki er boðið upp á morgunverð. Sæluhús eru staðsett á brekkubrúninni fyrir ofan Brynjuísbúðina í Innbænum og er skammt frá Lystigarðinum. Stutt er í sundlaug, golfvöll og í miðbæinn.