Kaffihús og barir

Amts-Café er staðsett í nýrri viðbyggingu Amtsbókasafnsins á Akureyri. Hægt er að fá heita rétti í hádeginu, frá 11:30-14:00, og þeir eru mjög mismunandi. Einnig er hægt að fá salat, bökur og ýmislegt annað góðgæti á vægu verði, ásamt kaffi og kakó.

Kaffihús og bakarí. Boðið upp á létta rétti, súpur, smurtbrauð og kökur. Opið frá 7.0 til 18.00 á virkum dögum og 7.0 16.00 um helgar.

Bláa Kannan er staðsett í hjarta bæjarins og opnar á morgnana með nýbökuðu brauði. Í hádeginu er boðið upp á súpu og rétt dagsins. Kökur og samlokur eru framreiddar allan daginn ásamt fersku kaffi.

Brauðbúðin er bæði bakarí og kaffihús, staðsett í göngugötunni rétt hjá Ráðhústorginu. Þar er auk nýbakaðs brauðs boðið upp á léttar máltíðir í hádeginu, súpu og brauð.

Brugghúsbarinn er lítill en kosý bar sem áður var Kaffi Karólína, staðsettur í miðju gilinu í miðbæ Akureyrar.

Bögglageymslan er bjór og whisky bar á neðri hæð Rub 23, en áður var einmitt Bögglageymsla KEA  staðsett í sama húsnæði.

Glæsilegt kaffihús við Ráðhústorgið í hjarta bæjarins. Boðið er upp á ljúffengar tertur og létta rétti ásamt fjölbreyttu úrvali af drykkjum.

Græni hatturinn er bar sem býður upp á fjölbreytt úrval drykkja og lifandi tónlist. Græni Hatturinn er staðsettur á neðri hæð Bláu Könnunnar.

Götubarinn er huggulegur bar í hjarta bæjarins og stendur við Göngugötuna. Innréttingar og útlit staðarins ríma við hina gömlu Akureyri enda má þar sjá ýmsar skírskotanir í liðinn tíma. Mikið úrval bjórtegunda fæst á Götubarnum.

Kaffi Akureyri er rótgróinn staður með stóran hóp viðskiptavina og gesta.Kaffi Akureyri opnar klukkan 18 alla virka daga en klukkan 15 um helgar.

Kaffi Jónsson býður upp á kaffi, kökur, léttar málíðir og sérhæfir sig í ísréttum.

Kaffi Költ er staðsett í miðbæ Akureyrar, Geislagötu 10. Þar er eingöngu boðið upp á heimabakað góðgæti svo sem tertur, kökur , grilluð ,,panini”, eggjalokur og margt fleira.

Kaffi Torg er til húsa í Glerártorgi, glæsilegri verslunarmiðstöð á Gleráreyrum, sem opnuð var í nóvember árið 2000. Þar er boðið upp á annars vegar hamborgara, kjúklinga og franskar og hins vegar smurbrauðsrétti, kökur og fleiri létta rétti.

Kristjánskaffi býður upp á nýbakað brauð, kökur og léttar máltíðir. Í hádeginu er boðið upp á rétt dagsins. Kristjánskaffi er staðsett í sama húsnæði og Bónus.

Sportvitinn á Akureyri er staður fyrir alla unnendur íþrótta. Staðurinn, sem staðsettur við Strandgötu 53 (gamli Oddvitinn), tekur 200 manns í sæti í stóra salnum en 80 manns rúmast í minni salnum.

Te og kaffi er staðsett í bókabúðinni Pennanum Eymundsson. Í boði er fjölbreytt úrval kaffidrykkja og kökur. Tilvalið er að grípa í tímarit eða bók til að blaða í meðan ljúffengra veitingar er notið.