Til baka

Merkigil - konan í dalnum og dæturnar sjö

Merkigil - konan í dalnum og dæturnar sjö

Fremur létt ganga í fótspor Moniku á Merkigili.

Söguganga, brottför frá Akureyri kl. 08:00.

Farið frá Akureyri vestur í Skagafjörð og fram Kjálka. Fyrsta stopp er við gamla bæinn á Tyrfinsstöðum en undanfarið hefur markvisst verið unnið að endurbyggingu torfhúsanna þar. Því næst er farið að norðurbrún Merkigils og gengið þaðan yfir gilið, heim að bænum Merkigili og svo yfir Monikubrú þar sem bíll bíður hópsins. Lengd göngunnar er um 8 km. Þeir sem það kjósa geta sleppt göngunni og farið með bílnum að Monikubrú og mögulega gengið eftir vegi á móti hópnum. Eftir þægindastopp í Varmahlíð er farið að Reykjafossi áður en haldið er af stað til Akureyrar.

Í ferðinni verður sagt frá svæðinu og ábúendum á Merkigili í Austurdal. Monika Helgadóttir húsfreyja er þjóðkunn persóna en Guðmundur G. Hagalín skrifaði ævisögu hennar sem var gefin út árið 1954. 

Hvenær
laugardagur, ágúst 7
Klukkan
08:00-17:00
Hvar
SBA Norðurleið - Bus terminal, Akureyri
Verð
7.650 - 15.300 kr. (aldurstengt)
Nánari upplýsingar