Plöntuskipti munu fara fram á stéttinni fyrir utan Amtsbókasafnið fimmtudaginn 28. maí kl. 17:00.
Öllum er velkomið að skiptast á blómum, græðlingum og fræjum. Planta á móti plöntu og svo framvegis. Einnig verður hægt að skiptast á blómapottum, garðáhöldum og öðru garðdóti.
Þeir sem ekkert hafa til skiptanna eru líka velkomnir, það er aldrei að vita nema hægt sé að fá plöntu eða græðlinga á hagstæðum kjörum. Einnig er þetta upplagt tækifæri fyrir þá sem eiga umfram, að deila með öðrum.
Við minnum á þemaborðið við afgreiðsluna, en í þema maí mánaðar er einmitt gróður. Þar er því að finna fullt af bókum tileinkuðum garðinum, ræktun og öllu sem því tengist.
Hlökkum til að sjá ykkur!