Ferðamannabærinn Akureyri býður gistimöguleika af öllu tagi og eru flest hótel og gistiheimili í námunda við miðbæinn. Gestir bæjarins geta valið á milli þess að gista á fyrsta flokks hótelum eða vinalegum gistiheimilum.
Á Akureyri er að finna alla flóruna í veitingahúsum og skemmtistöðum. Úrvals veitingastaðir sem bjóða sælkeramat sem kitlar bragðlaukana eru á sínum stað en einnig er hægt að gípa skyndibita af ýmsu tagi á fjölmörgum veitingastöðum – og allt þar á milli. Víða er lögð áhersla á að bjóða upp á mat úr Eyjafirði. Alls eru um 1500 sæti á veitingastöðunum á Akureyri.
Kaffihúsin eru mörg og vinsæl og sum þeirra orðin að eins konar kennileitum í bænum. Sömu sögu er að segja um skemmtistaðina sem hafa sumir hverjir verið mærðir í sönglagatextum en ballstaðirnir spanna allt litrófið og eru fyrir alla aldurshópa.
Akureyrarstofa
Þú getur líka fylgst með okkur á
Fésbókinni. Alltaf eitthvað að gerast á Akureyri, ekki missa af neinu.