Til baka

Hótel KEA

 

Hótel Kea býður upp á sérsniðnar lausnir fyrir viðburði, hvort sem það er fundur, ráðstefna, brúðkaup eða glæsileg árshátíð. Salirnir rúma allt að 160 gesti í sitjandi borðhaldi auk þess að vera búnir öllum helstu tæknilausnum fyrir vel heppnaðan fund eða ball.

Veitingadeildin er með fjölbreyttan og veglegan matseðil fyrir hin ýmsu tilefni, t.a.m. veisluseðilsmáréttaseðilhlaðborðráðstefnuseðil. Einnig er tekið á móti séróskum.

Fundir og ráðstefnur
Á Hótel Kea eru þrír ráðstefnu- og fundarsalir sem auðveldlega má opna á milli eða nýta í sitthvoru lagi og aðlaga að hverjum viðburði fyrir sig. Lögð er áhersla á "fundarfrið" og boðið er upp á heildstæðar fundarlausnir með allt frá gistingu og veitingum upp í stórar ráðstefnur. Í hverjum sal er skjávarpi, tjald og talva, hljóðnemi og ræðupúlt. Í boði er aðstoð og ráðleggingar við að útfæra hvern og einn viðburð.

Árshátíðir og veislur
Hótel Kea hefur löngum verið þekkt fyrir glæsilegar veislur, fyrsta flokks veitingar og faglega þjónustu. Veislusalir hótelsins henta vel fyrir viðburði eins og árshátíðir, brúðkaupsveislur, móttökur og erfidrykkjur. Lögð er áhersla á fagleg vinnubrögð og náin samskipti við viðskiptavini og gesti sem leiðir af sér einstakan viðburð sem þeir munu seint gleyma.

Salir
Salirnir Vaðlaberg, Stuðlaberg og Hlíðaberg, bjóða upp á gott aðgengi og fjölbreytta möguleika.
Gestir geta tyllt sér niður að fundi loknum og snætt á Múlaberg Bistro & Bar eða fengið sér drykk í setustofunni hótelsins.

Fyrirspurnir og pantanir berist til customercare@keahotels.is eða í gegnum síma 460 2000
Sjá nánari upplýsingar