Ýmsir möguleikar eru á samgöngum milli Akureyrar og Reykjavíkur og annarra staða á Norðurlandi. Má þar nefna flug, rútur, strætó, ferjur og leigubíla. Það tekur um 40 mínútur að fljúga frá Reykjavík til Akureyrar og gera þarf ráð fyrir 4-5 klst. ef ekið er eftir þjóðvegi 1 (um 386 km). Leið 57 með Strætó gengur á milli Akureyrar og Reykjavíkur.
Flug: Icelandair flýgur daglega allt árið milli Reykjavíkur og Akureyrar, alt að 5 flug á dag hvora leið. Til að skoða allt millilandaflug í gegnum Keflavík eða beint til Akureyrar skoðið hér
Strætó/Áætlunarferðir: Áætlunarferðir eru í boði milli Reykjavikur og Akureyrar allt að tvær daglega - hvora leið, nánast allt árið.
Einnig eru í boði áætlunarferðir milli Akureyrar, þéttbýliskjarna og bæja á Norðurlandi og Austurlandi.
- Vetraráætlun: 1. september 2023 - 31. maí 2024
- Sumaráætlun: 1. júní - 31. ágúst 2023
Áætlunarferðir Strætó til Akureyrar frá Reykjavík - leið 57 - eru farnar frá Mjóddinni í Breiðholti (einnig Ártúni og Háholt í Mosfellsbæ). Frá Akureyri til Reykjavíkur er lagt af stað fyrir utan Menningarhúsið Hof á Akureyri (Strandgötu 12 - stoppustöðin er merkt). Hægt er að sjá áætlanir á heimasíðunni strætó.is eða í síma 540 2700.
Kaupa miða
Það eru nokkrar leiðir til þess að borga í Strætó á landsbyggðinni.
- Það er hægt að greiða með debetkorti eða kreditkorti um borð í vagninum.
- Það er hægt að greiða með reiðufé um borð í vagninum. Vagnstjórinn getur gefið til baka.
- Það er hægt að kaupa landsbyggðarmiða í Strætó appinu.
Sjá nánar á www.straeto.is.
Áætlunarferðir um Norður - og Norðausturland
HÉR má sjá áætlunarferðir um Norður- og Norðausturland með Strætó.
Fyrir allt Ísland, má finna upplýsingar um aðrar áætlunarferðir hér.
Norlandair býður beint flug til Grímseyjar frá Akureyrarflugvelli og tekur ferðin um 30 mínútur. Einnig er hægt að sigla með ferjunni Sæfara frá Dalvík og tekur það um 3 klukkustundir.
Ferjan Sævar gengur oft á dag frá Árskógssandi til Hríseyjar og tekur ferðin aðeins um 15 mínútur.
Athugið að frítt er í strætó innanbæjar á Akureyri. Bílastæði eru gjaldskyld á tilteknum svæðum í miðbænum kl. 10-16 virka daga. Nánar hér.
Veggjald fyrir Vaðlaheiðargöng á þjóðvegi 1 (Austan við Akureyri)
Til að greiða veggjald fyrir Vaðlaheiðargöng bjóðast tveir kostir:
- Greiða eina ferð á www.veggjald.is. Hver ferð gildir sólarhring frá greiðslu.
- Stofna aðgang á www.veggjald.is þar sem stök ferð gjaldfærist sjálfkrafa og hægt að kaupa fleiri ferðir á afsláttarkjörum.
ATH! Ef keyra á fram og til baka í gegnum göngin þarf að borga fyrir tvær ferðir. Ekki er hægt að fá ferðina endurgreidda.
Hægt er að greiða eina ferð í síðasta lagi þremur klukkustundum eftir að ekið er í gegn. Ef ekki næst að greiða fyrir þann tíma er rukkun send í heimabanka á eiganda/umráðamann ökutækis ásamt innheimtugjaldi.
ATH! Skráðir eigendur bílaleigubíla eru bílaleigurnar sjálfar. Bílaleigur geta bætt við umsýslugjaldi, við afhendingu bifreiðarinnar, ef þau fá reikning fyrir ógreidda ferð í gegnum göngin.
Frekari upplýsingar má finna á vefsíðunni https://www.veggjald.is. Einnig er hægt að hafa samband við þjónustuborð alla virka daga frá 10:00-12:00 og 13:00-15:00 í síma 464 1790, eða í tölvupósti á netfangið info@tunnel.is