Til baka

Hrísey og Grímsey

Hrísey og Grímsey eru hluti af sveitarfélaginu Akureyrarbær. Ferjuáætlun er í boði til eyjanna allt árið auk þess að einnig er flogið er til Grímseyjar allt árið.

Til Grímseyjar:
Flug: Flugfélagið Norlandair heldur uppi áætlunarflugi til Gímseyjar.  Flogið er 3 sinnum á viku allt árið nema hluta sumars þegar í boði er daglegt flug. Norlandair býður einnig upp á útsýnisflug í samstarf við Mýflug. Flugfélagið Circle Air býður einnig upp á útsýnisflug og ferðir til Grímseyjar.

Ferja: Ferjan Sæfari siglir áætlunarferðir til Grímseyjar allt árið. Ferjan fer frá Dalvík  (45 km frá Akureyri) til Grímseyjar, hér er hægt að skoða áætlun ferjunnar. Siglingin tekur um 3 klst hvora leið. Vinsamlegast athugið að ferjan stoppar mislengi í Grímsey alt eftir dögum og árstíma. Á veturnar er yfirleitt stoppað um 2 klst út í eyju en á sumrin er stoppið um 4 klst fyrir utan fimmtudaga þegar stoppið er 2 klst.  Sjá nánari upplýsingar hér.
Sjá verðskrá (ath fara þarf neðst á síðuna). 

Hægt er að bóka far á heimasíðu Sæfara. Einnig er hægt að kaupa miða hjá upplýsingamiðstöðinni í Hofi, í gegnum ferðaskrifstofuna Arctic Trip í  Grimsey og Nonni Travel á Akureyri.

Strætó: Til að komast að ferjunni er hægt að taka strætó frá Akureyri til Dalvíkur, sjá áætlun hér.

Almennar upplýsingar um Grímsey má skoða á www.visitgrimsey.is.

Til Hríseyjar:
Strætó: Áætlunarferðir eru á milli Akureyrar og Dalvíkur með viðkomu við afleggjarann við Árskógssand, en þaðan fer ferjan til Hríseyjar. Varðandi upplýsingar má skoða strætó áætlun Akureyri - Dalvík - Ólafsfjörður - Siglufjörður. Athugið að strætisvagninn ekur ekki niður á Árskógssand og því þurfa farþegar að ganga u.þ.b. 1 km niður að höfninni frá gatnamótunum eða skipuleggja far með öðrum hætti.

Ferja: Ferjan Sævar heldur uppi áætlunarferðum milli Árskógsands og Hríseyjar. Farnar eru allt að 9 ferðir daglega - allt árið, á u.þ.b. tveggja klukkustunda fresti. Athugið að panta þarf fyrirfram fyrstu og síðustu brottförina um helgar.

Sjá ferju áætlun 
hér.
Frekari upplýsingar um Hrísey má finna hér. 

Flug: Lítill flugvöllur er á Hrísey sem hentar fyrir litlar flugvélar.