Samgöngur

Áætlunarferðir með Icelandair og Strætó eru í boði allt árið milli Reykjavíkur og Akureyrar. Vegalengdin milli Reykjvíkur og Akureyrar er um 386 km.

Ýmsir möguleikar eru á samgöngum milli Akureyrar og Reykjavíkur og annarra staða á Norðurlandi. Má þar nefna flug, rútur, strætó, ferjur og leigubíla. Það tekur um 40 mínútur að fljúga frá Reykjavík til Akureyrar og gera þarf ráð fyrir 4-5 klst. ef ekið er eftir þjóðvegi 1 (um 386 km).

Allt árið er boðið upp á áætlunarflug frá fjölbreyttum áfangastöðum.

Akureyri er tiltölulega nettur og þægilegur bær og því stutt á milli staða. Flugvöllurinn er í 5 mínútna akstur frá miðbænum, áætlunarferðir strætó eru með stoppustöð við menningarhúsið Hof og skemmtiferðaskipahöfnin er í 5 mínútna gönguleið frá miðbænum.

Allar helstu bílaleigur eru á Akureyri og nokkur rútufyrirtæki

Á Akureyri er frítt í strætó sem gengur frá kl. 6.28 til 22.36 alla virka daga og frá 12.18 til 18.55 um helgar.

Hrísey og Grímsey eru hluti af sveitarfélaginu Akureyrarbær. Ferjuáætlun er í boði til eyjanna allt árið auk þess að einnig er flogið er til Grímseyjar allt árið.

Akureyrarflugvöllur er einn af fjórum alþjóðaflugvöllum á Íslandi og sá eini sem staðsettur er á Norðurlandi. Hann er opinn allt árið og í gegnum hann fara á bilinu fjögur til níu flug á dag til Reykavíkur og annarra áfangastaða á Norðurlandi. Auk þess er áætlunarflug til Grænlands frá vellinum yfir sumartímann.

Á Akureyri eru bílastæði gjaldskyld, val er um tvö gjaldsvæði. Hér má einnig finna upplýsingar um greiðslur ofl.