Til baka

Almennar upplýsingar

Það tekur um 40 mínútur að fljúga frá Reykjavík til Akureyrar og gera þarf ráð fyrir 4-5 klst. ef ekið er eftir þjóðvegi 1 (um 386 km). Leið 57 með Strætó gengur á milli Akureyrar og Reykjavíkur.

Air Iceland Connect flýgur daglega allt árið, alt að 5 flug hvora leið milli Reykjavíkur og Akureyrar. 

Áætlunarferðir með Strætó eru í boði milli Reykjavikur og Akureyrar alt að tvær - hvora leið, nánast allt árið. Á sumrin býður SBA Norðurleið einnig upp á áætlunarferðir milli Reykjavíkur og Akureyrar yfir Kjöl.

Einnig eru í boði áætlunarferðir milli Akureyrar, þéttbýliskjarna og bæja á Norðurlandi og Austurlandi. 

Norlandair býður beint flug til Grímseyjar frá Akureyrarflugvelli og tekur ferðin um 30 mínútur. Einnig er hægt að sigla með ferjunni Sæfara frá Dalvík og tekur það um 3 klukkustundir. 

Ferjan Sævar gengur oft á dag frá Árskógssandi til Hríseyjar og tekur ferðin aðeins um 15 mínútur. 

Athugið að frítt er í strætó innanbæjar á Akureyri og munið eftir bilfreiðastæðaklukkunum ef þið eruð á bíl. Þær má nálgast í bönkum, á bensínstöðvum, í menningarhúsinu Hofi og víðar.