Komdu Norður | Visitakureyri.is

ICELAND AIRWAVES 2017

Iceland Airwaves teygir sig til Akureyrar í fyrsta sinn. Hátíðin verður í höfuðstað Norðurlands 2. og 3. nóvember og verður hægt að kaupa miða sem gildir eingöngu á Akureyri eða miða sem gildir á Akureyri og síðan í Reykjavík 4. og 5. nóvember. A.m.k. 25 hljómsveitir eða listamenn troða upp á Akureyri og einnig verður nóg af "off venue" viðburðum í bænum. Kynntu þér málið á heimasíðu Iceland Airwaves.

EINSTÖK UPPLIFUN Á GRÆNA

Græni hatturinn er ein albesti tónleikastaður landsins. Stemningin sem þar myndast getur verið töfrum líkust. Langflestir bestu tónlistarmenn landsins hafa komið þar fram og um hverja helgi eru haldnir þar frábærir tónleikar sem gestir staðarins kunna vel að meta. Kynntu þér framboðið á Facebook síðu Græna hattsins.

HEIMSÓKN Í HRÍSEY

Það er góður kostur að heimsækja Hrísey þegar ferðast er um Norðurland. Siglingin frá Árskógssandi tekur aðeins um 15 mínútur og í eyjunni eru skemmtilegar gönguleiðir, fögur fjallasýn og einstakt fuglalíf. Hvergi annars staðar er jafn auðvelt að sjá rjúpur enda er Hrísey griðland þeirra.