Barnamenningarhátíð á Akureyri 2026

Nú er opið fyrir umsóknir um styrki vegna Barnamenningarhátíðar á Akureyri 2026. Umsóknarfresturinn er til og með 13. nóvember. 

Sótt er um í gegnum þjónustugátt Akureyrarbæjar. 

Sækja um

Markmið hátíðarinnar er að hvetja börn og ungmenni til virkrar þátttöku í menningarstarfi og veita þeim tækifæri til að njóta lista og menningar. Sérstök áhersla er lögð á verkefni sem efla sköpunarkraftinn. Áætlað er að hátíðin fari fram á tímabilinu 11. - 23. apríl 2026. 

Leiðarljós hátíðarinnar eru fagmennska, fjölbreytileiki, jafnræði og gott aðgengi fyrir öll börn og ungmenni. Vettvangur hátíðarinnar er Akureyri og leitast er við að nýta spennandi og áhugverð rými þar sem börn geta skapað, notið, sýnt og túlkað. Meginreglan er að aðgengi að viðburðum sé ókeypis.

Barnamenningarhátíð á Akureyri tekur mið af markmiðum Menningarstefnu Akureyrarbæjar og aðgerðaráætlun barnvæns sveitarfélags.

Frekari upplýsingar um hátíðina má finna HÉR

Verkefnastjórn Barnamenningarhátíðarinnar er í höndum Elísabetar Agnar Jóhannsdóttur. Hægt að senda henni línu á netfangið elisabetogn@akureyri.is eða hringja í síma 460-1157.