Íbúðagisting Geldingsá

Geldingsá
IS-601 Akureyri
Sími: 663 4646
Vefsíða: gisting.blog.is
Netfang: jfossdal@simnet.is 

Íbúðin er á bænum Geldingsá  í Vaðlaheiði, 7 km frá Akureyri. Húsið er á fallegum stað með útsýni inn Eyjafjörðinn og út í fjarðarmynnið með miðnætursólina á sumrin og beint yfir Akureyri og skíðabrekkur Hlíðarfjalls. Íbúðarhúsið er tveggja hæða steinhús sem hefur verið endurnýjað og breytt í orlofshús. Húsið stendur fjarri öðrum húsum á þessum góða útsýnisstað. Eigendur hússins sem eru hjón á eftirlaunum, nota efri hæðina sem sinn íverustað í sveitasælunni en búa á höfuðborgarsvæðinu.

Í íbúð á neðri hæðinni er sér inngangur. Hún er leigð sem orlofsstaður fyrir ferðamenn sem vilja njóta kyrrðarinnar í sveitinni jafnframt því að hafa Akureyri og Hlíðarfjall innan seilingar. Þar er svefnaðstaða fyrir fimm í tveimur svefnherbergjum sem eru bæði með tvíbreiðum rúmum. Í stærra herberginu er barnarúm (óumbúið). Rúmin eru uppábúin og handklæði fylgja. Í stofunni, sem er opin og þægileg, er hornsófi og auka dýna sem 2 börn gætu sofið á.  Eldhúsið er vel útbúið, gott baðherbergi með sturtu, sér þvottahús með þvottavél og þurrkara og mikið skápapláss er í íbúðinni.

Þá stendur gestum til boða sjónvarp með nokkrum stöðvum, DVD spilara og þráðlaustnet. Útiaðstaða er sunnan við húsið, þar eru borð, stólar og gasgrill. Spennandi gönguleiðir eru frá Geldingsá og stutt í gott berjaland.

Að lokinni leigu, ber að þrífa íbúðina, en öll gólf eru flísalögð og auðveld í þrifum. Þvottaefni, sápur og klósettpappír fá gestir á staðnum.
Reykingar eru ekki leyfðar.
Dýr má ekki hafa innandyra en á túninu er nóg pláss fyrir dýr að leika sér.