Viðburðurinn hóf göngu sína árið 2007 og hefur verið haldinn árlega síðan. Sumardaginn fyrsta opna um 18 söfn og sýningar við Eyjafjörð dyr sínar fyrir gestum og gangandi undir heitinu Eyfirski safnadagurinn. Markmiðið er að vekja athygli á fjölda fróðlegra og forvitnilegra safna sem eru við Eyjafjörð. Enginn aðgangseyrir er að söfnunum á Eyfirska safnadeginum.
Árið 2024 verður Eyfirski safnadagurinn haldinn þann 25.apríl.
Söfn, setur og sýningar á Eyjafjarðarsvæðinu eru yfirleitt með opið frá kl. 13:00 - 17:00 og ókeypis aðgang í tilefni dagsins. Yfirleitt er mismunandi þema á nilli ára og margt fróðlegt og skemmtilegt í boði á söfnunum þennan dag!
Dagskráin er kynnt á viðburðadagatalinu þegar nær dregur viðburðinum, sjá hér
Þau söfn sem yfirleitt taka þátt eru:
Amtsbókasafnið, Byggðasafnið Hvoll á Dalvík, Davíðshús, Flugsafnið, Hús Hákarla-Jörundar í Hrísey, Iðnaðarsafnið, Laufás, Leikfangahúsið - Friðbjarnarhús, Listasafnið, Minjasafnið, Minjasafnskirkjan, Mótorhjólasafnið, Nonnahús, Síldarminjasafnið Siglufirði, Smámunasafn Sverris Hermannssonar, Eyjafjarðarsveit, Útgerðarminjasafnið á Grenivík, sjá einnig söfn og sýningar við Eyjafjörð á Facebook