Heiti sýningar: Allt frá englum í abstrakt
Dagsetningar: 17.-19. júlí 2026
Opnun: Föstudaginn 17. júlí kl. 16
Sýningartími: Föstudag, 16:00 - 20:00; laugardag og sunnudag, 13:00 - 17:00

Hulda Ólafsdóttir býður ykkur velkomin að skoða nýjar akrýlmyndir sínar í Deiglunni á Akureyri helgina 17.-19. júlí. Hún byrjaði að mála snemma á þessu ári og sýnir nú afraksturinn. Myndefnið er fjölbreytt — frá englum til abstrakt, blómum, landslagi, andlitum, eða því sem hefur heillað hana á hverju augnabliki.

Hulda stundaði nám í Myndlistarskólanum á Akureyri, nám í tískuhönnun á Ítalíu og síðar grafíska hönnun. Á undanförnum árum hefur hún opnað sig fyrir nýjum leiðum í skapandi ferli sínu og andlegum málum. Hún hefur lært markþjálfun, heilun, reiki og dáleiðslu, og rekur fyrirtækið Hjartalag. Einnig skrifar hún ljóð og texta sem hún notar víða í sinni hönnun. Nýlega fór hún á leiklistarnámskeið hjá BÍL.

Þessi sýning er hennar fyrsta sölusýning á akrýlverkum.