Dóróthea úr Galdrakarlinum í Oz og Öskubuska leiða okkur inn í ævintýraskóg fullan af töfrum og vináttu. Þar hitta þær meðal annars góðu nornina, fuglahræðuna, pjáturkarlinn, ljónið, álfadís og systur Öskubusku – og heyra af Galdrakarlinum mikla í OZ. Í ferðalaginu komast þær að því að raunverulegur styrkur, hyggindi og kærleikur búa innra með okkur sjálfum. Sagan minnir okkur á mikilvægi góðmennsku, þrautseigju og æðruleysis. Við erum öll nákvæmlega eins og við eigum að vera – aldrei gefast upp þó að á móti blási.