Eilífur vangadans við sjálfan mig er sýning eftir Loga Gautason. Sýningin saman stendur af máluðum myndum á striga.

-

Eilífur vangadans við sjálfan mig fjallar um ást, einmanaleika og köttinn Björgvin.
No vorrís samt.

“Ljóð mín djúp og merkileg en kannski orðuð heimskulega
Mestu hugsuðir í heimi bæði pissí sig og slefa
Ég er í flækju
Ég er rottukóngur
Beyglaður og þvalur en samt fokking góður
Hér kemur svo kvíðakast
Ég fer út í daginn eins og hnífaslag
Stundum er ég ógeðslega lítill kall
en Stundum er mér gjörsamlega skítsama”
~ Arnar Úlfur & Kef Lavík, um hlutina sem ég er búinn að gera

-

Logi Gautason (f. 2005) útskrifaðist úr Menntaskólanum á Akureyri vorið 2024. Logi byrjaði að fást við myndlist fyrir sléttu ári síðan, en hefur á þessum stutta tíma verið afar afkastasamur og verk hans jafnframt tekið miklum breytingum. Hann hefur þegar haldið eina einkasýningu á Leynibarnum á Hjalteyri í mars á þessu ári. Logi hefur verið duglegur að deila verkum sínum og hugmyndum á samfélagsmiðlum og þannig vakið talsverðan áhuga. Myndirnar sem Logi sýnir nú eru allar nýjar, málaðar nú á haustmánuðum.