Fjölskylduleiðsögn í Listasafninu
Villiljóð sýning Heklu Bjartar Helgadóttur
Sunnudaginn 17. október kl. 11-12 verður boðið upp á fjölskylduleiðsögn í Listasafninu, en þá mun Heiða Björk Vilhjálmsdóttir, fræðslufulltrúi, segja börnum og fullorðnum frá sýningu Heklu Bjartar Helgadóttur, Villiljóð. Að lokinni leiðsögn er gestum boðið að búa til sitt eigið listaverk, innblásið af verkum Heklu.
Aðgangur er ókeypis í boði Norðurorku sem styrkir sérstaklega safnkennslu og fræðslu fyrir börn og fullorðna í Listasafninu.