Foreldramorgnar alla þriðjudaga á Amtsbókasafninu
Notaleg samvera foreldra og barna
Foreldramorgnar eru alla þriðjudaga í barnadeildinni frá klukkan 10-12. Heitt er á könnunni og öll velkomin!
Markmið með foreldramorgnum er að gefa foreldrum tækifæri til þess að hitta foreldra í sömu stöðu, kynnast nýju fólki og fræðast með jafningjarfræðslu.
Einnig fá börnin tækifæri til þess að hitta önnur börn og leika saman.
* Við hvetjum ykkur til að mæta með umhverfisvænum hætti á viðburðinn. Frítt er í strætó og allir strætisvagnar stoppa í miðbænum í 300 metra fjarlægð frá safninu.