Þekkir þú efnin í umhverfinu og hvaða áhrif þau geta haft á heilsu barna?
Í erindinu fer Kristín Helga yfir helstu skaðlegu efnin í umhverfi barna, hvar þau geta leynst og gefur góð ráð til að draga úr efnaáreiti á börn. Lögð er áhersla á einfaldar og valdeflandi leiðir til að takast á við efnasúpuna í kringum okkur.
Erindið byggir á efni sem unnið var í samstarfi við SSNE og Loftum fræðsluverkefni fyrir sveitarfélög. Kristín Helga er menntaður alþjóðafræðingur frá Árósaháskóla, með áherslu á samspil mannréttinda og umhverfismála, móðir tveggja drengja og hefur starfað við miðlun og verkefnastjórn umhverfismála um árabil.