Froðudans í Sundlaug Akureyrar með Saint Pete og Pitenz

Það verður löðrandi gleði í sundlaugargarðinum á Akureyrarvöku þegar rapparinn Saint Pete og raftónlistarmaðurinn Pitenz mæta til að þyrla upp froðunni. Gervigrasflötin verður fyllt með froðu og gestum boðið að sleppa fram af sér beislinu í hvítfreyðandi froðubaði. Pitenz mætir án tölvu og spilar lifandi raftónlist með rúsínuputtum og því næst stígur okkar eigin Saint Pete á stokk en hann er einn vinsælasti rappari landsins um þessar mundir.

Fjörið hefst kl. 19.30 föstudaginn 28. ágúst og stendur til kl. 21.00.