Listasýningin er unnin af tveimur elstu árgöngum á Kiðagili. Nemendurnir eru fæddir 2015-2016. Unnið var með vatnsliti og tússpenna. Nemendur kynntu sér fugla og fiska og létu síðan hugarflugið ráða í eigin sköpun á fuglum og fiskum. Vinnuferlið var þannig að málað var fyrst með vatnslitum og síðan voru fuglar eða fiskar teiknaðir með tússpenna.
Útkoman er Furðufuglar og fiskar sem sýndir eru í gluggunum á Pennanum/Eymundsson.
Verkefnið nýtur stuðnings Akureyrarbæjar og er hluti af Barnamenningarhátíð.