Til baka

GG Blús

GG Blús

Tónleikar

GG blús er blúsaður rokkdúett frá Álftanesi, mannaður reynsluboltum úr bransanum. Guðmundur Jónsson (Sálin, Nykur, Trúboðarnir) á gítar og söng og Guðmundur Gunnlaugsson (Kentár, Sixties, Jötunuxar) á trommur og söng.

Tvímenningarnir hafa undanfarin misseri spilað kraftmikla tónlist sína ásamt sígrænum ábreiður hér og hvar, um borg og bý og gáfu út í fyrra sína fyrstu plötu, Punch, við prýðilegar undirtektir. Endilega tékkið á gripnum á Spotify, Bandcamp og víðar.

Nú verður Græni hatturinn heimsóttur í annað sinn og lofar GG blús heilmiklu fjöri þar sem frasaskotin gítarvinna tekst á við óhaminn trommusláttinn og grípandi sönglínur fljóta svo yfir, innblásnar af tregafullum enskum textum og litaðir með hljóðbrotum og þankagangi úr ýmsum áttum – Trúir blúshefðinni en samt móttækilegir nútímanum.

Hvenær
fimmtudagur, júlí 9
Klukkan
21:00
Hvar
Græni hatturinn, Hafnarstræti, Akureyri
Nánari upplýsingar