Gunni og Felix koma öllum í stuð með skemmtilegum tónleikum þar sem allir geta sungið og dansað með! Þessir síungu fjörkálfar hafa nú starfað saman í næstum 30 ár og gefið út ógrynnin öll af tónlist, sögum og sjónvarpsefni sem þjóðin þekkir.

Reynið bara að standa kyrr á meðan þeir félagar syngja Vaska vaska, Djiddum!, Ein stór fjölskylda eða Fiskurinn hennar Stínu. Mottó þeirra Gunna og Felix er að koma öllum í gott skap, enda verður heimurinn betri þegar börnin og hinir fullorðnu hlæja og skemmta sér saman!

Viðburðurinn er styrktur af Akureyrarvöku.