Kerling - sjö tinda ferð 1538 m. 

Brottför kl. 8 í rútu eða á einkabílum frá FFA Strandgötu 23.
Fararstjórar: Viðar Sigmarsson og félagar í 24x24.  
Verð: 5.000/3.500. Innifalið: Fararstjórn og rúta fram að Finnastöðum.
Gengið á hæsta fjall í byggð á Íslandi, Kerlingu í Eyjafirði. Ekið að Finnastöðum og farið þaðan á fjallið. Gengið norður eftir tindunum Hverfanda (1320 m), Þríklökkum (1360 m), Bónda (1350 m), Litla Krumma, Stóra Krumma, Syðri-Súlu (1213 m) og Ytri-Súlu (1144 m). Gengið niður í Glerárdalinn þar sem ferðin endar.
Vegalengd um 20 km. Gönguhækkun 1440 m.