Konunglegur fyrirlestur með Guðnýju Ósk Laxdal
Sérfræðingur í málefnum bresku konungsfjölskyldunnar kíkir í tesopa
Verið velkomin í tesopa yfir konunglegum fyrirlestri frá Guðnýju Ósk Laxdal, sérfræðingi í málefnum bresku konungsfjölskyldunnar. Hún heldur úti Instagram-reikningnum Royal Icelander þar sem hún deilir fréttum og fróðleik um kóngafólk og skrifaði BA-ritgerð sína um nútímavæðingu bresku konungsfjölskyldunnar.
Í þetta skiptið mun Guðný fjalla um það helsta sem er að frétta í konunglega heiminum. Við förum yfir hvað er nýjasta nýtt í dramanu hjá bresku konungsfjölskyldunni og ræðum hvað Harry og Meghan eru að gera núna. Ræðum líka af hverju það er svona slæmt þarna á milli.
Einnig förum við yfir hvað það er sem konungsfjölskyldur gera eiginlega í nútímasamfélagi og berum kannski saman þessa bresku við aðrar konungsfjölskyldur í Evrópu. Af hverju var til dæmis Margrét Danadrottnig að segja af sér en Elísabet Bretadrottnig gerði það aldrei?
Boðið verður upp á te, kaffi og eitthvað sætt með!
Við hvetjum ykkur til að mæta með umhverfisvænum hætti á viðburðinn. Frítt er í strætó og allir strætisvagnar stoppa í miðbænum í 300 metra fjarlægð frá safninu.