Krassoff blandar listformum saman í heila upplifun þar sem hún kemur fram í karakter ásamt dönsurum sem gera hreyfingu og sögu laga hennar sjónræna. Sjálf syngur hún og dansar með. Svartir búningarnir byggja á kynjuðum flíkum settum saman á mis-óhefðbundinn hátt, og förðunin á fána tvíkynhneigðra og í leiðinni hugmyndum um kyn og kynhlutverk. Tónlistin er að mestu tilraunakennd, dimm og kröftug raftónlist í popp ívafi, þar sem feminískir textarnir eru hvassir, en röddin mjúk og marglaga. Lögin spiluð saman mynda stærri heild þar sem saga persónunnar Hennar er líka saga svo margra kvenna. Krassoff lofar trylltum töktum bæði í hljóði og hreyfingu!