Lestrarfriður (e. Silent Book Club) er notaleg og óformleg samvera þar sem fólk kemur saman til að lesa í ró og næði. Engin skyldulesning, engar væntingar og engin pressa – bara bækur, notaleg stemning og sameiginlegur tími til að njóta lestursins.

Þú kemur einfaldlega með þína eigin bók, rafbók eða hljóðbók og velur þér notalegan stað. Við byrjum á því að lesa saman í þögn en að lestrinum loknum gefst þeim sem vilja tækifæri til að spjalla um bækurnar sínar, deila lestrarupplifun eða kynnast öðrum bókaunnendum.

Þú ræður sjálf/ur hvort þú tekur þátt í spjallinu eða nýtur einfaldlega kyrrðarinnar.

Komdu með bókina þína og njóttu lestrarstundar í góðum félagsskap. Þú þarft ekki annað en að mæta! #ReadForReal

Við hvetjum ykkur til að mæta með umhverfisvænum hætti á viðburðinn. Frítt er í strætó og allir strætisvagnar stoppa í miðbænum í 300 metra fjarlægð frá safninu.