Á seinni Stabat Mater tónleikum Tónlistarfélagsins verða flutt verkin Stabat Mater eftir Arvo Pärt og frumflutt verk eftir Þorvald Örn Davíðsson um Sjö orð Krists á krossinum.
Flytjendur eru Hlín Pétursdóttir Behrens sópran, Erla Dóra Vogler mezzósópran, Úlfar Trausti Þórðarson tenór, Marika Alavere fiðla, Kristín Halla Bergsdóttir víóla og Ásdís Arnardóttir selló. Stjórnandi er Daníel Þorsteinsson.
Tónleikarnir eru styrktir af Kea, Tónlistarsjóði, Akureyrarbæ og Tónskáldasjóði Rúv og Stefs.
Ókeypis aðgangur er á tónleikana en frjáls framlög vel þegin.