Þverfaglegir tónleikar þar sem slagverk, dans og lifandi raftónlist mætast í heildrænni og samtímalegri sviðslist. Dagskráin er innblásin af ljóði Un coup de dés jamais n'abolira le hasard eftir Stéphane Mallarmé og fjallar um tilviljun, óreiðu og mörk stjórnunar og frelsis í listsköpun. Ný tónverk fyrir slagverksdúó eru flutt í nánu samspili við dans og rafræna hljóðvinnslu, þar sem tónlist og hreyfing þróast saman í lifandi samtali á sviðinu. Útkoman er sjónræn og kraftmikil upplifun sem býður áhorfendum inn í opið rými túlkunar og skynjunar.

Matiss Leo Merkl og Tirso Ortiz Garrigós skipa slagverksdúóið Puruñeka Duo.

Miðasala hefst þegar nær dregur.