Það verður mikið um dýrðir þegar Jónas Sig ásamt hljómsveit gengur til liðs við hina sönnu kvikmyndahljómsveit Íslands, Sinfóníuhljómsveit Norðurlands, í Hofi þann 18 september 2021. Tónskáldið og hljómsveitarstjórinn Þórður Magnússon hefur unnið með Jónasi og hljómsveit hans að sinfónískum útsetningum af vel völdum perlum Jónasar auk nýs efnis og verður afraksturinn hljóðritaður til útgáfu á þessum spennandi tónleikum. Komdu og upplifðu hljómleikaplötu í smíðum í Hofi og láttu ljós þitt skína á milli laga.
Jónas Sig: Söngur - gítar
Ómar Guðjónsson - gítar
Guðni Finnsson - bassi
Tómas Jónsson - hljómborð
Arnar Þór Gíslason - trommur
Bakraddir - Rakel Sigurðar og Steingrímur Teague