Sumartónar með Páli Óskari
Barnamenningarhátíð í Hofi
Sláum taktinn inn í sumarið!
Það verður sannkölluð tónlistarveisla á sumardaginn fyrsta á sviði Hamraborgar í Hofi á Sumartónum Ungmennaráðs Akureyrar, Menningarhússins Hofs og Akureyrarbæjar í tilefni Barnamenningarhátíðar á Akureyri. Hinn einni sanni og sívinsæli tónlistarmaður Páll Óskar mun slá taktinn inní sumarið í Sumartónum 2023 eins og honum einum er lagið.
Páll Óskar er söngvari, lagahöfundur og plötusnúður sem gert hefur garðinn frægan innanlands sem utan. Hann varð þekktur á heimsvísu þegar hann söng lagið Minn hinsti dans í söngvakeppnni evrópskra sjónvarpsstöðva 1997. Hann er þekktur fyrir að trylla lýðinn, unga sem aldna, stóra sem smáa, með ballöðum, diskói, íslenskum dægurlögum og teknótónlist auk dansatriða og geggjuðum búningum.
Auk Páls Óskars mun ungt og upprennandi tónlistarfólk frá Akureyri stíga á stokk. Við munum tilkynna fljótlega hverjir það verða.
Tónleikarnir hefjast kl. 16 og standa í klukkustund. Húsið opnar kl. 15.30.
Sumartónar 2023 setja punktinn yfir i-ið á Barnamenningarhátíðinni á Akureyri í ár!
Enginn aðgangseyrir er á tónleikana ! Verið öll hjartanlega velkomin.
Verkefnið er styrkt af Barnamenningarsjóði Akureyrarbæjar.