Laugardaginn 28. ágúst klukkan 17 er komið að Tríó Akureyrar. Tríóið er skipað tónlistarmönnunum Valmari Väljaots píanó- og fiðlusjentílmanni, Jóni Þorsteini Reynissyni nikkara og Erlu Dóru Vogler allsherjarsöngkonu. Þríeykið mun leika íslensk og erlend dægurlög, sem og flesta aðra tónlist sem hönd á festir.

 

Það er tilvalið að koma í Menningarhúsið Hof þessa afmælishelgi og njóta veitinga á BARR undir ljúfum tónum listafólksins því þetta verður sannkallað konfekt fyrir öll skynfærin.

 

Dagskráin í tilefni 10+1 árs afmæli Hofs er samstarfsverkefni Menningarfélags Akureyrar og Akureyrarbæjar.