Mannfólkið breytist í slím hefur verið haldin ár hvert síðan 2018 af listakollektívinu MBS og á sér fáar hliðstæður í menningarlandslaginu.

Hátíðin er tileinkuð jaðar- og grasrótarmenningu með áherslu á listafólk úr héraði. Mannfólkið breytist í slím er fyrst og fremst helguð tónlist en hefð hefur skapast fyrir gjörningalist í bland við tónlistaratriði auk atriða sem dansa mitt á milli listformanna tveggja.

Meðal markmiða verkefnisins er að festa í sessi öfluga menningarhátíð utan meginstrauma á Akureyri svo hún megi efla listalíf svæðisins til frambúðar og skapa tækifæri fyrir ungt listafólk til að koma fram í bland við reyndara.