Eina hjólabrettaskálin á landinu verður formlega opnuð á Barnamenningarhátíð og býður Braggaparkið áhugasömum börnum og unglingum að prófa þessa mögnuðu viðbót við innanhússaðstöðuna.
Hægt er að fá lánað bæði hjólabretti og hlaupahjól. Athugið að hjálmaskylda er fyrir 16 ára og yngri.
Í tilefni dagsins mun Dj Björgvin Máni þeyta skífum við Skálina. Einnig mun dómnefnd Braggaparksins tilkynna hvaða listamaður hefur unnið hjólabrettahönnunarkeppnina og fær grafíkina sína prentaða á alvöru hjólabretti.
Dagskrá dagsins:
Kl. 14 - Braggaparkið opnar - Frítt inn
Kl. 15 -19 - Dj Björgvin Máni þeytir skífum í Skálinni
Kl. 16 - Niðurstaða dómnefndar í hjólabrettahönnunarkeppninni. 1,2,3 sæti frá verðlaun.
Verkefnið nýtur stuðnings Akureyrarbæjar og er hluti af Barnamenningarhátíð.