Síðustu vikuna í júlí verður sannkölluð Potter-veisla á Amtsbókasafninu!

Í ár á Harry stórafmæli en hann verður fertugur þann 31. júlí, þess vegna dugar ekkert minna en þriggja daga skemmtun.
Dagana 29. – 31. júlí verður því nóg um að vera á Amtsbókasafninu, ekki missa af afmælisveislu ársins!

Miðvikudagur 29. júlí

- Flóttinn úr Hogwarts – Escape room kl. 14-18
Í kjallara bókasafnsins verður flóttaherbergi, hefur þú það sem til þarf til að leysa þrautirnar og komast út? Herbergið er fyrir 2-6 manna hópa á öllum aldri og tekur um 10 mínútur að komast út. Skráning nauðsynleg! (Opnað verður fyrir skráningu mánudaginn 27. júlí)

- Galdrakústasmiðja 15-17
Búðu til þinn eigin galdrakúst! Bæði verður hægt að gera kústa í fullri stærð og litla kústa sem sóma sér vel á hvaða hillu sem er. Einnig verður hægt að búa til töfrasprota. Með kúst og sprota að vopni verða þér allir vegir færir!

Fimmtudagur 30. júlí

- Flóttinn úr Hogwarts – Escape room kl. 14-18
Í kjallara bókasafnsins verður flóttaherbergi, hefur þú það sem til þarf til að leysa þrautirnar og komast út? Herbergið er fyrir 2-6 manna hópa á öllum aldri og tekur um 10 mínútur að komast út. Skráning nauðsynleg! (Opnað verður fyrir skráningu mánudaginn 27. júlí)

- Leitin að helkrossunum kl. 14-18
Sá sem ekki má nefna hefur falið sjö helkrossa á fyrstu hæð bókasafnsins. Ef þú getur fundið þá alla færð þú að launum að bragða á Fjölbragðabaunum Berta Bott, þorir þú að smakka?

- Hvaða heimavist tilheyrir þú? Kl. 14-18
Ert þú þolinmóður og góðhjartaður Hufflepuff? Hugrakkur Gryffindor? Metnaðargjarn Slytherin? Eða klár og skapandi Ravenclaw? Fáðu út því skorið í eitt skipti fyrir öll.

- Galdra-origami kl. 15-17
Þekkir þú einhvern sem á skilið að fá sendan öskrara? Nú er tækifærið! Brjóttu saman þinn eiginn flokkunarhatt eða öskrara, lengra komnir origami-unnendur geta einnig gert uglur eða einhyrninga

Föstudagurinn 31. júlí – Til hamingju með daginn Harry!

VEGNA HERTRA REGLNA UM SAMKOMUR HEFUR ÖLLUM VIÐBURÐUM VERIÐ AFLÝST EFTIR HÁDEGI Á FÖSTUDAG.
Þau sem eiga bókað í flóttaherbergið á föstudag eru vinsamlegast beðin um að hafa samband með því að senda póst á hronnb@amtsbok.is

Alla dagana
- Pósaðu í galdraheiminum
Myndaklefi þar sem þú getur svifið yfir Quidditch-vellinum, verið hættulegur strokufangi úr Azkaban og margt fleira!

Allir hjartanlega velkomnir og sérstaklega þeir sem mæta í búningum!

*Viðburðurinn er hluti af Listasumri

Sjá viðburðinn á Facebook HÉR