Sögusýning þar sem verður, í tali og tónum, farið yfir alþýðumenningu Íslendinga frá upphafi landnáms til okkar daga. Sagt verður frá þróun afþreyingar þjóðar sem byrjar á kveðskap í baðstofunni, sagt frá vikivaka sem stignir voru á vökum í kirkjum landsins og hvaða áhrif alþýðuhljóðfæri eins og harmonikan hafði á alþýðumenningu þjóðarinnar með tilkomu nýrrar tegundar tónlistar og dansa. 

Sýningin er samvinnuverkefni Kvæðamannafélagsins Gefjunar, Dansfélagsins Vefarans, Þjóðháttarfélagsins Handraðans og Félags Harmonikuunnenda við Eyjafjörð.